新聞類別
娛樂
詳情#
【蘋果日報】【《蘋果》專訪】
同是歌手出身的郭富城跟梁詠琪（GiGi），今日各自已榮升父母，經歷打拼及湊小朋友，城城更即席示範替囡囡掃風的動作，基本上已沒有事可以難到二人。但偏偏拍攝賀歲片《西遊記女兒國》時，就令二人歷盡痛苦，每天用五小時化妝，超越人類極限。GiGi要頂着超重巨型頭冠，已是最輕鬆一人。城城戲言曾拍到想放棄，亦試過「見到毛都驚」的惶恐。
香港上映日期：2月16日
郭富城、梁詠琪、馮紹峰和趙麗穎主演、鄭保瑞執導的《西遊記女兒國》，大年初一（16日）上映，眾主角連日來穿州過省為電影宣傳。早前城城與GiGi在尖沙嘴接受本報訪問，分享拍攝趣事兼大玩賀年遊戲。
導演親自游說
繼《孫悟空三打白骨精》之後，城城再演孫悟空，他自爆開拍前曾想過推辭：「你諗吓每日要化五個鐘頭妝，三個半月，拍三日一定要停一日，皮膚接受唔到。嗰陣時，你見到毛都驚呀！」後來導演鄭保瑞親自游說，又基於原班人馬演出，亦覺得劇本有趣，最終才答應。但最大原因是忘記之前的慘痛經歷，城城說：「唔小心應承，今次個角色唔係咁沉重，係輕鬆跳脫啲。」設計造型時，城城仍一臉從容，到真正拍攝時就後悔，他說：「熱到呢，開始覺得唔係好妥，我打返公司問『可唔可以唔拍呀？』」
說到化妝辛酸，GiGi在戲中演女兒國國師，從眉毛到髮線都經過特別處理，還要戴上巨型頭冠，化妝同樣要花上五個小時，以營造出國師的威嚴霸氣。城城在台東跟GiGi拍攝苦海一幕時，甚至認不出她。GiGi說：「其實化妝成功已經幫咗一半。」今次講對白變得簡潔有力，GiGi說：「導演要一路調整我，無論係講對白、身形都要keep住，係好大突破。」
GiGi女扮醒獅
再跟鄭保瑞合作的城城，對導演的評語是「太善良」：「有時佢好多煩惱出現，演員其實可以幫佢減輕嘅。」談到囡囡Chant，城城有否為女兒掃風？他一臉慈父樣說：「梗係啦，呢啲梗係爹哋做㗎啦！」更即示範掃風動作，他說：「我掃一次，係咪好溫柔呀？」GiGi表示會在農曆新年為囡囡Sofia打扮成「醒獅」：「我會摷晒屋企啲紅色嘢，可以擺到上身嘅就擺。」
採訪：馮國康、Sapna
場地提供：帝樂文娜公館 Liaison
【郭富城】
化妝：Terry Yu
髮型：Ian Wong of ii salon
服裝提供：J Crew
【梁詠琪】
化妝：Circle Cheung（ndnco.co）
髮型：Sam Lo of pi4.com.hk
服裝提供：Ports1961
同是歌手出身的郭富城跟梁詠琪（GiGi），今日各自已榮升父母，經歷打拼及湊小朋友，城城更即席示範替囡囡掃風的動作，基本上已沒有事可以難到二人。但偏偏拍攝賀歲片《西遊記女兒國》時，就令二人歷盡痛苦，每天用五小時化妝，超越人類極限。GiGi要頂着超重巨型頭冠，已是最輕鬆一人。城城戲言曾拍到想放棄，亦試過「見到毛都驚」的惶恐。
香港上映日期：2月16日
郭富城、梁詠琪、馮紹峰和趙麗穎主演、鄭保瑞執導的《西遊記女兒國》，大年初一（16日）上映，眾主角連日來穿州過省為電影宣傳。早前城城與GiGi在尖沙嘴接受本報訪問，分享拍攝趣事兼大玩賀年遊戲。
導演親自游說
繼《孫悟空三打白骨精》之後，城城再演孫悟空，他自爆開拍前曾想過推辭：「你諗吓每日要化五個鐘頭妝，三個半月，拍三日一定要停一日，皮膚接受唔到。嗰陣時，你見到毛都驚呀！」後來導演鄭保瑞親自游說，又基於原班人馬演出，亦覺得劇本有趣，最終才答應。但最大原因是忘記之前的慘痛經歷，城城說：「唔小心應承，今次個角色唔係咁沉重，係輕鬆跳脫啲。」設計造型時，城城仍一臉從容，到真正拍攝時就後悔，他說：「熱到呢，開始覺得唔係好妥，我打返公司問『可唔可以唔拍呀？』」
說到化妝辛酸，GiGi在戲中演女兒國國師，從眉毛到髮線都經過特別處理，還要戴上巨型頭冠，化妝同樣要花上五個小時，以營造出國師的威嚴霸氣。城城在台東跟GiGi拍攝苦海一幕時，甚至認不出她。GiGi說：「其實化妝成功已經幫咗一半。」今次講對白變得簡潔有力，GiGi說：「導演要一路調整我，無論係講對白、身形都要keep住，係好大突破。」
GiGi女扮醒獅
再跟鄭保瑞合作的城城，對導演的評語是「太善良」：「有時佢好多煩惱出現，演員其實可以幫佢減輕嘅。」談到囡囡Chant，城城有否為女兒掃風？他一臉慈父樣說：「梗係啦，呢啲梗係爹哋做㗎啦！」更即示範掃風動作，他說：「我掃一次，係咪好溫柔呀？」GiGi表示會在農曆新年為囡囡Sofia打扮成「醒獅」：「我會摷晒屋企啲紅色嘢，可以擺到上身嘅就擺。」
採訪：馮國康、Sapna
場地提供：帝樂文娜公館 Liaison
【郭富城】
化妝：Terry Yu
髮型：Ian Wong of ii salon
服裝提供：J Crew
【梁詠琪】
化妝：Circle Cheung（ndnco.co）
髮型：Sam Lo of pi4.com.hk
服裝提供：Ports1961
回應 (0)
