新聞類別
娛樂
詳情#
【蘋果日報】【《蘋果》專訪】
今年娛樂圈喜事重重，三子之母、62歲的「美魔女」陳美齡將升呢做奶奶，其30歲長子金子和平與美籍台灣女友下月先來港擺婚宴，7月再到美國行禮註冊，由於陳美齡媽咪居港，不便坐長途機，因此一對新人索性返港斟茶，稍後再到台灣、日本及美國設宴，走勻四地。
「同佢講要好小心揀」
陳美齡於86年嫁日籍經理人金子力，婚後育有三子，長子和平成家立室，陳美齡日前在灣仔接受專訪時，坦言心情興奮：「初時有啲唔捨得，和平同我講結婚，我同佢講要好小心揀，係咪可以過一世人，我先發覺自己好緊張。」陳美齡大讚未來新抱：「同我囝囝一樣高大，好溫柔，兩人鍾意玩煮飯仔。」陳美齡更爆料二仔昇平蜜運中，但幼子協平剛甩拖。
問到會給一對準新人甚麼貼士？陳美齡說：「大家珍惜大家，唔好要求，希望多付出。」陳美齡恨抱孫：「唔敢講，怕畀佢哋壓力。」她又表示願意幫忙湊孫。提到下月在港擺酒，陳美齡說：「佢哋叫我唔使理，唔係我結婚，係邀請我出席。」她表示會送家傳之寶給未來新抱：「我返去保險箱睇吓點樣分法。」
此外，陳美齡近日跟準新郎和平推出新作《為了孩子的未來─家長不要做的35件事》，母子文字互動。訪問當天，陳美齡跟4歲小男生Ethan互出IQ題考對方。
「睇唔到轉變同改革」
陳美齡去年被指是教育局長熱門人選，結果特首林鄭月娥委任楊潤雄出任教育局局長，副局長是蔡若蓮，對於兩位司長上任後的評價，陳美齡說：「睇唔到有乜嘢轉變同改革，可能計劃中。」她相信還有改進空間。
採訪：陳杰
攝影：林賓尼
場地提供：灣仔三聯Just Cafe
今年娛樂圈喜事重重，三子之母、62歲的「美魔女」陳美齡將升呢做奶奶，其30歲長子金子和平與美籍台灣女友下月先來港擺婚宴，7月再到美國行禮註冊，由於陳美齡媽咪居港，不便坐長途機，因此一對新人索性返港斟茶，稍後再到台灣、日本及美國設宴，走勻四地。
「同佢講要好小心揀」
陳美齡於86年嫁日籍經理人金子力，婚後育有三子，長子和平成家立室，陳美齡日前在灣仔接受專訪時，坦言心情興奮：「初時有啲唔捨得，和平同我講結婚，我同佢講要好小心揀，係咪可以過一世人，我先發覺自己好緊張。」陳美齡大讚未來新抱：「同我囝囝一樣高大，好溫柔，兩人鍾意玩煮飯仔。」陳美齡更爆料二仔昇平蜜運中，但幼子協平剛甩拖。
問到會給一對準新人甚麼貼士？陳美齡說：「大家珍惜大家，唔好要求，希望多付出。」陳美齡恨抱孫：「唔敢講，怕畀佢哋壓力。」她又表示願意幫忙湊孫。提到下月在港擺酒，陳美齡說：「佢哋叫我唔使理，唔係我結婚，係邀請我出席。」她表示會送家傳之寶給未來新抱：「我返去保險箱睇吓點樣分法。」
此外，陳美齡近日跟準新郎和平推出新作《為了孩子的未來─家長不要做的35件事》，母子文字互動。訪問當天，陳美齡跟4歲小男生Ethan互出IQ題考對方。
「睇唔到轉變同改革」
陳美齡去年被指是教育局長熱門人選，結果特首林鄭月娥委任楊潤雄出任教育局局長，副局長是蔡若蓮，對於兩位司長上任後的評價，陳美齡說：「睇唔到有乜嘢轉變同改革，可能計劃中。」她相信還有改進空間。
採訪：陳杰
攝影：林賓尼
場地提供：灣仔三聯Just Cafe
回應 (0)
