市民爭住同Hana影相「o靚妹」李綺雯孤伶伶掃平花

【蘋果日報】年卅晚，唔少人都會去行花市，如果想執平貨，就要捱得夜，等到差唔多天光，唔少花檔、雜貨檔主都會大減價清貨。


年初一讀者梁小姐就透過《蘋果》爆相爆片，透露當日凌晨3點左右，喺葵涌運動場嘅年宵攤檔見到「o靚妹」李綺雯、Youtuber譚杏藍(Hana)同一名男士，當時仲有唔少人行花宵，咁啱O靚妹佢哋就去咗梁小姐嘅花檔買花，梁小姐話：「佢哋都化到好行妝，唔少人都認到佢哋，不過大家都係搵Hana影相多啲。」


唔使同人合照，o靚妹反而有多啲時間揀花，梁小姐話o靚妹都好揀擇，十蚊兩束襯花都揀咗好耐。梁小姐話：「我哋主要賣百合花，但一早賣晒，剩番啲襯花，所以就襯收檔前十蚊兩紮平賣，都要蝕本㗎。o靚妹都揀咗大約15分鐘，最後買咗十幾紮，都成五、六十蚊。」


其實o靚妹日前都有喺微博上載一段片，透露有朋友喺葵涌運動場嘅年宵檔賣泰國自製食品，相信o靚妹都係「有雷」幫朋友幫到底，所以喺嗰度就見到佢蹤影囉。