新聞類別
娛樂
詳情#
【蘋果日報】【《蘋果》專訪】32歲狗年新娘雨僑，鐵定3月31日下嫁拍拖七年、31歲的羅力威，這一對地下情侶，由拍拖到公開婚訊都是低調行事，就算是被拍到出埠外遊，都予以否認，不過由相識到羅力威求婚，二人都認定對方為終身伴侶，雨僑更向羅力威講愛的宣言：「你好保護我，我都會好保護你，幫你捉晒啲曱甴。」
準新娘雨僑日前接受本報專訪，大談跟羅力威不為人知的感情路：「最初識係我嘅音樂會，佢做我嘉賓，嗰時都係幾last minute，嗰陣都係入行冇耐，我唔知係公司安排，當時係我老闆搵阿威做嘉賓，大家又差唔多年資，好似邀請冇咁尷尬，舊人又要好早通知，如果唔係唔夠誠意，大家差唔多年紀、年資，所以好適合。嗰陣我冇諗太多，嗰個係自己個騷，已經要練好多琴、好多舞，冇諗咁多嘢，但係好開心佢嚟，嗰一部份係我好輕鬆嘅地方，佢又幫我頂咗一首歌，等我換衫，成個騷最開心係呢一部份。」
雨僑續說：「第二場就有啲失落，嗰日冇嘉賓，跟住過咗幾個禮拜佢又開騷，佢嗰邊又邀請我睇，完咗都有去後台打招呼，但係冇乜傾到偈，跟住返屋企瞓覺，涼都沖埋，佢先至叫個小提琴手打畀我，叫我去慶功喎，嘩，我心諗你唔好聽日先打嚟，因為呢個開始，大家就話兩個開完騷，一齊食餐飯，就係呢個飯局終於約咗幾個月就食喇！」
羅力威如何追到雨僑？答案是「冇追過」，雨僑說：「都冇乜話熱烈追求，係大家好似好old school咁約出嚟去扒房鋸扒。大家約出嚟都會帶個電燈膽，第一次約食飯打邊爐，我又帶咗三個同事，佢又帶咗一個同事。我記得我哋第一次兩個出去鋸扒，我阿媽話我化妝仲耐過我餐飯，8點半返到屋企，諗番起都覺得好笑，嗰時我好快就生日，做完個騷之後，佢送咗隻錶畀我，好樸實，首先我唔係好戴錶嘅，啲款好似老師咁，就係咁樣好踏實咁正式開始。」
羅力威覺得拍拖就是認定結婚對象，他買戒指於屋企向雨僑求婚，當時雨僑是含淚答應：「係好感動，係送戒指，我係喊晒，好開心，嗰個真係確立我哋關係嘅日子，真係確定就結婚喇！呢個觀念好感動，我哋從來唔影相，整咗張土製合照，整咗張咭。」
羅力威是雨僑Mr. Right，因為他們可以互補不足，雨僑說：「有啲嘢我真係好驚，咁嗰啲嘢佢全部唔驚，但係佢驚嘅嘢，我唔驚，我可以幫佢捉晒啲曱甴，我就船頭驚鬼船尾驚賊，我唔見啲乜嘢佢永遠可以幫我搵得番，眼睫毛夾嗰條膠佢都知，真係互補不足，我好大意，佢可以幫我，佢優柔寡斷嘅時候，我可以幫佢決定，好配合。」
鍾情家庭生活
雨僑給未來老公羅力威打分，她堅定地說：「大家好樂意做家務，樂意照顧頭家，買餸，都一定會一齊，唔會話你係黃面婆自己搞掂佢，我哋兩個係鍾意親力親為過家庭生活，照顧屋企，畀99分喇，因為人人都有多一分進步。」訪問結束前，雨僑向羅力威說出愛的宣言：「你好保護我，我都會好保護你，幫你捉晒啲曱甴。」
【夢想婚紗】滿天星為主
雨僑的婚紗由胡杏兒的婚紗公司Kevolie贊助，而這天受訪拍照，雨僑所穿的婚紗是用立體的手鐲花款式，設計師Kev說：「所有花都係手鐲花，每朵花都有水晶，仲有一個透視效果。」Kev透露由於新娘子雨僑鍾情滿天星，所以出嫁當日相信婚紗設計會是以滿天星為主。
採訪：楊潔雯
攝影：林德雄
髮型：Adam Hui of W Salon by Il Colpo
場地提供： Kevolie
準新娘雨僑日前接受本報專訪，大談跟羅力威不為人知的感情路：「最初識係我嘅音樂會，佢做我嘉賓，嗰時都係幾last minute，嗰陣都係入行冇耐，我唔知係公司安排，當時係我老闆搵阿威做嘉賓，大家又差唔多年資，好似邀請冇咁尷尬，舊人又要好早通知，如果唔係唔夠誠意，大家差唔多年紀、年資，所以好適合。嗰陣我冇諗太多，嗰個係自己個騷，已經要練好多琴、好多舞，冇諗咁多嘢，但係好開心佢嚟，嗰一部份係我好輕鬆嘅地方，佢又幫我頂咗一首歌，等我換衫，成個騷最開心係呢一部份。」
雨僑續說：「第二場就有啲失落，嗰日冇嘉賓，跟住過咗幾個禮拜佢又開騷，佢嗰邊又邀請我睇，完咗都有去後台打招呼，但係冇乜傾到偈，跟住返屋企瞓覺，涼都沖埋，佢先至叫個小提琴手打畀我，叫我去慶功喎，嘩，我心諗你唔好聽日先打嚟，因為呢個開始，大家就話兩個開完騷，一齊食餐飯，就係呢個飯局終於約咗幾個月就食喇！」
羅力威如何追到雨僑？答案是「冇追過」，雨僑說：「都冇乜話熱烈追求，係大家好似好old school咁約出嚟去扒房鋸扒。大家約出嚟都會帶個電燈膽，第一次約食飯打邊爐，我又帶咗三個同事，佢又帶咗一個同事。我記得我哋第一次兩個出去鋸扒，我阿媽話我化妝仲耐過我餐飯，8點半返到屋企，諗番起都覺得好笑，嗰時我好快就生日，做完個騷之後，佢送咗隻錶畀我，好樸實，首先我唔係好戴錶嘅，啲款好似老師咁，就係咁樣好踏實咁正式開始。」
羅力威覺得拍拖就是認定結婚對象，他買戒指於屋企向雨僑求婚，當時雨僑是含淚答應：「係好感動，係送戒指，我係喊晒，好開心，嗰個真係確立我哋關係嘅日子，真係確定就結婚喇！呢個觀念好感動，我哋從來唔影相，整咗張土製合照，整咗張咭。」
羅力威是雨僑Mr. Right，因為他們可以互補不足，雨僑說：「有啲嘢我真係好驚，咁嗰啲嘢佢全部唔驚，但係佢驚嘅嘢，我唔驚，我可以幫佢捉晒啲曱甴，我就船頭驚鬼船尾驚賊，我唔見啲乜嘢佢永遠可以幫我搵得番，眼睫毛夾嗰條膠佢都知，真係互補不足，我好大意，佢可以幫我，佢優柔寡斷嘅時候，我可以幫佢決定，好配合。」
鍾情家庭生活
雨僑給未來老公羅力威打分，她堅定地說：「大家好樂意做家務，樂意照顧頭家，買餸，都一定會一齊，唔會話你係黃面婆自己搞掂佢，我哋兩個係鍾意親力親為過家庭生活，照顧屋企，畀99分喇，因為人人都有多一分進步。」訪問結束前，雨僑向羅力威說出愛的宣言：「你好保護我，我都會好保護你，幫你捉晒啲曱甴。」
【夢想婚紗】滿天星為主
雨僑的婚紗由胡杏兒的婚紗公司Kevolie贊助，而這天受訪拍照，雨僑所穿的婚紗是用立體的手鐲花款式，設計師Kev說：「所有花都係手鐲花，每朵花都有水晶，仲有一個透視效果。」Kev透露由於新娘子雨僑鍾情滿天星，所以出嫁當日相信婚紗設計會是以滿天星為主。
採訪：楊潔雯
攝影：林德雄
髮型：Adam Hui of W Salon by Il Colpo
場地提供： Kevolie
回應 (0)
