批鄭嘉穎低調註冊

【蘋果日報】麥玲玲昨日現身沙田馬場，預測狗年娛樂圈陸續再有喜事，單身藝人易結婚。對於馬國明和黃心穎、楊明和莊思明、鄭嘉穎和陳凱琳、蕭正楠和黃翠如四對圈中情侶，哪一對會搶閘有喜訊？玲玲說：「我有叫莊思明今年結婚，結婚之後，楊明會紅啲、攞獎，佢旺夫；馬國明就18年籌備，19年結得；鄭嘉穎同陳凱琳似乎好低調，分分鐘註咗冊，佢哋係幾穩定嘅一對；蕭正楠同黃翠如當係（結婚），今年可以向佢哋攞利是，下一步就係有喜，佢哋有喜先至會公佈。」


玲玲更透露今年比較旺有「木」字的藝人，例如姓李、林、楊，以及身形高瘦的藝人，身形矯小豐滿的玲玲說：「我唔怕，我有C君陪。」問她今年還會入市嗎？她說：「計劃今年喺中環買寫字樓，大約預幾千萬。」


採訪：黃曉妍

攝影：陳慧安