新聞類別
娛樂
詳情#
【蘋果日報】送雞迎狗，林保怡日前帶同11歲寶貝雪橇犬阿水在西貢行大運，希望大家新一年開開心心，健健康康。阿水14年10月因為椎間盤突出，導致下肢癱瘓，險要人道毀滅，但保怡未肯放棄，結果在醫生搶救及保怡悉心照顧下，阿水總算康復過來。行大運當日，阿水又跑又跳，又健康又活潑。
久坐後或腳震
踏入新一年，保怡希望大家身體健康：「尤其係阿水，佢腋下位置（左邊）仲有個水泡，醫生話如果唔係太大嘅話就唔使理，但我近排發現係大咗小小，所以可能要睇醫生。隻狗有番咁上下年齡，如果再全身麻醉係會有危險，所以有好多嘢都要好小心處理。」保怡指阿水下半身癱瘓康復後仍有後遺症：「佢坐低或者瞓低得耐，起身時就會好辛苦，可能會腳震。我要幫佢，除咗愛之外，我會帶佢游水，醫生勸告唔可以太激烈，尤其係上樓梯同激烈運動。雖然佢係一隻殘疾嘅狗，但佢帶畀我嘅係……養狗嘅朋友會知道，你同動物之間嘅溝通係好可愛嘅。」
冀接網劇電影
自從幾年前阿水故事廣為傳媒報道之後，阿水知名度大增，問可有人找阿水參與幕前演出時，保怡說：「暫時未有，拍廣告一日半日OK，如果拍戲嘅話，我係一個演員，我唔會捨得畀阿水去拍戲，我試過同佢影過相，佢對鏡頭好敏感。」說到新年願望，保怡希望今年可以拍一些自己喜歡的網劇和電影。
採訪：魯吉
攝影：仇志德
回應 (0)
