洪卓立被恐龍聲嚇走

【蘋果日報】衛詩雅（左二）、陳家樂、洪卓立（右一）同女友湯怡，日前到屯門出席英皇戲院活動，四個都笑住話戲院算係佢哋第二個家。詩雅話為咗學習，吸收演員演出技巧，乜嘢類型嘅戲都睇。洪卓立就話自己主力唱歌，但會陪女友湯怡入戲院：「細個第一次入戲院睇《侏羅紀公園》，因為太緊張，俾啲恐龍聲響嚇親，睇到一半就走咗。」湯怡亦都唔襟嚇，睇恐怖片嚇到大叫：「全間戲院得我一個尖叫，嗰一刻都幾尷尬。」