新聞類別
娛樂
詳情#
【蘋果日報】
現年42歲嘅藝人李璨琛（原名李瑋璁）噚日涉嫌酒後駕駛被捕。噚日早上7時許，佢揸住部黑色平治私家車，沿太子道東行駛。去到新蒲崗太子道東油站附近，被交通警員截查，接受俗稱「吹波波」嘅酒精呼氣測試，濃度為86度，涉嫌酒後駕駛被捕。去到警署再接受「吹大機」測試，酒精呼氣濃度亦達到58度，較法定上限22度高出近3倍，案件交由東九龍總區交通部跟進。李璨琛目前獲准保釋外出，3月下旬返警署報到。
酒精含量二級
從李璨琛嘅Instagram發現，前晚佢同一班好友，包括LMF隊友阿肥同阿傑食開年飯。相中已見佢有啲面紅，有指李璨琛飯後再跟朋友到酒吧消遣到今朝揸車返屋企時俾警察截查。運輸處資料顯示，酒駕刑罰最高可被判處罰款港幣25,000元同監禁3年，仲要強制修習駕駛改進課程、記10分同停牌。酒駕停牌刑罰三級制，由最輕停牌6個月至最高5年。李璨琛酒精呼氣含量屬二級，即超過每100毫升呼氣含有35微克酒精，但未超過66毫升，二級初犯停牌一年，再犯則三年。
李璨琛當年獲金像導演陳果賞識帶入行，拍攝首部作品《香港製造》，當年更贏得香港電影金像獎最佳新演員獎。之後一直喺演藝界發展，並且開設製作公司。被捕時嘅平治汽車，就屬於佢旗下公司登記。
撰文：馮仁昭
現年42歲嘅藝人李璨琛（原名李瑋璁）噚日涉嫌酒後駕駛被捕。噚日早上7時許，佢揸住部黑色平治私家車，沿太子道東行駛。去到新蒲崗太子道東油站附近，被交通警員截查，接受俗稱「吹波波」嘅酒精呼氣測試，濃度為86度，涉嫌酒後駕駛被捕。去到警署再接受「吹大機」測試，酒精呼氣濃度亦達到58度，較法定上限22度高出近3倍，案件交由東九龍總區交通部跟進。李璨琛目前獲准保釋外出，3月下旬返警署報到。
酒精含量二級
從李璨琛嘅Instagram發現，前晚佢同一班好友，包括LMF隊友阿肥同阿傑食開年飯。相中已見佢有啲面紅，有指李璨琛飯後再跟朋友到酒吧消遣到今朝揸車返屋企時俾警察截查。運輸處資料顯示，酒駕刑罰最高可被判處罰款港幣25,000元同監禁3年，仲要強制修習駕駛改進課程、記10分同停牌。酒駕停牌刑罰三級制，由最輕停牌6個月至最高5年。李璨琛酒精呼氣含量屬二級，即超過每100毫升呼氣含有35微克酒精，但未超過66毫升，二級初犯停牌一年，再犯則三年。
李璨琛當年獲金像導演陳果賞識帶入行，拍攝首部作品《香港製造》，當年更贏得香港電影金像獎最佳新演員獎。之後一直喺演藝界發展，並且開設製作公司。被捕時嘅平治汽車，就屬於佢旗下公司登記。
撰文：馮仁昭
回應 (0)
