靚靚視楊采妮真心朋友

【蘋果日報】袁詠儀接受專訪時大爆張智霖多宗罪，但就讚老公打麻雀的牌品好：「Chilam試過打台灣牌自摸百幾番，收晒錢洗緊牌，突然對家話好似打錯骰，下家話好似真係出錯，大家就話唔計。」靚靚回想當日仍然肉緊：「我喺隔籬打緊第二枱，好想睇吓佢哋點處理，我老公冇出聲，因為佢贏吖嘛，你畀我呢，畀咗錢喇喎，你冇得唔算㗎喎，係咪先？但Chilam唔係咁處理，竟然攞籌碼話再打過。」


此外，靚靚表示圈中有不少真心朋友，如楊采妮、李心潔和伍詠薇、最敬重的人是周潤發，「我好欣賞呢位演員，能屈能伸，乜嘢角色都可以將自己放入去，演員可能好主觀，做唔到就係做唔到，但發哥話畀我哋聽係可以。」