新聞類別
娛樂
詳情#
【蘋果日報】曾與車保羅在《審死官》中扮瘦虎肥龍的資深演員施介強（肥施），前晚因糖尿病引致併發症離世，終年60歲。林嘉華與肥施是中學同學，二人一直保持聯絡。身在加拿大的嘉華昨表示數日前已收到通知肥施入院：「我身在加拿大，未能即時去醫院探望佢，呢點係我自己有少少唔開心同遺憾。」嘉華指肥施能文能武，又喜歡幫人：「如果你話冇地方住，佢都歡迎你去佢屋企住，佢突然離世，對我嚟講冇咗一個好朋友……」說話至此嘉華已不禁落淚。
肥施81年簽約新藝城，拍過《最佳拍檔》等電影，80年代更開始為港台做節目。新藝城創辦人麥嘉昨接受港台《有你同行》訪問時說：「有人介紹話有個人好有喜劇感，好啱我哋喜劇用，咁就叫咗佢嚟。佢好gentleman，係正派人物。每個人係拎住自己劇本嚟演佢嘅角色，佢喺呢個世界上幾長唔係重要，唔係講長度，係講個質，佢演完佢個角色，開開心心離開。佢呢個人唔會虧欠任何人，乾乾淨淨嚟，乾乾淨淨去，係一個幾漂亮嘅人。」
採訪：嵐山
回應 (0)
