新聞類別
娛樂
詳情#
【蘋果日報】姜紫藍（Color）喺亞視同有線做過主持，亦曾做o靚模出過寫真，近年轉型做作家寫書同玩攝影。今年33歲嘅姜紫藍前年被爆閃嫁38歲太子爺劉瑞庭，原定去年喺峇里豪華酒店舉行婚禮，點知婚事不了了之，大前晚Color仲話俾男友打到入院。
婚前破產
Color噚日向傳媒鬧爆賤男，指前晚喺元朗村屋住所外被男友拳打腳踢，電話都被踩爛：「男友經濟有問題，我喺屋外同男性朋友講電話，幫佢問人借錢，佢發現後就癲咗，好大力打我下巴，我跌咗喺地，衝入屋踎喺地雙手保護頭部，但佢仍然踢我，要踢多幾下先收手，當時我好恐懼，決定報警，之後送咗去屯門醫院驗傷，噚日先出院。」Color聲稱唔係第一次被打，佢試過半夜被拖出門口，要佢帶隻狗離開屋企，事後男方跪地求饒，所以多次心軟復合。
講到取消婚禮，Color話：「結婚之前佢話破產，我變賣晒啲名牌手袋同戒指，叫佢婚禮都唔好搞，尾數用來還債，自己亦都用咗私己錢去幫佢，又打電話畀朋友借錢，牽涉有七位數字，當時我仲未簽紙，之後佢變本加厲。」Color話有幫男友還錢，拍拖租住黃金海岸都係佢畀，最後患上抑鬱，依家都要食藥：「好多人都話我嫁入豪門，我幫佢還咗咁多債，佢屋企人都講好多難聽說話，但我為咗保護個男人，唔想人知道佢破產影響social life，但轉頭就打我，我終於可以同人講點解唔結婚，依家我需要保護自己同父母。」
撰文：馮仁昭
婚前破產
Color噚日向傳媒鬧爆賤男，指前晚喺元朗村屋住所外被男友拳打腳踢，電話都被踩爛：「男友經濟有問題，我喺屋外同男性朋友講電話，幫佢問人借錢，佢發現後就癲咗，好大力打我下巴，我跌咗喺地，衝入屋踎喺地雙手保護頭部，但佢仍然踢我，要踢多幾下先收手，當時我好恐懼，決定報警，之後送咗去屯門醫院驗傷，噚日先出院。」Color聲稱唔係第一次被打，佢試過半夜被拖出門口，要佢帶隻狗離開屋企，事後男方跪地求饒，所以多次心軟復合。
講到取消婚禮，Color話：「結婚之前佢話破產，我變賣晒啲名牌手袋同戒指，叫佢婚禮都唔好搞，尾數用來還債，自己亦都用咗私己錢去幫佢，又打電話畀朋友借錢，牽涉有七位數字，當時我仲未簽紙，之後佢變本加厲。」Color話有幫男友還錢，拍拖租住黃金海岸都係佢畀，最後患上抑鬱，依家都要食藥：「好多人都話我嫁入豪門，我幫佢還咗咁多債，佢屋企人都講好多難聽說話，但我為咗保護個男人，唔想人知道佢破產影響social life，但轉頭就打我，我終於可以同人講點解唔結婚，依家我需要保護自己同父母。」
撰文：馮仁昭
回應 (0)
