李佳芯A級身材唔使blur無綫「禁奶令」有漏洞？

【蘋果日報】去年11月，無綫突然發出「禁奶令」，特別針對戲劇或非戲劇，話公司唔鼓勵有太過誇張女性身材及賣弄性感嘅鏡頭，如劇情需要，都只會用「意會形式」表達交代。
咁誇張嘅定義係乜呢？前晚播出嘅《波士早晨》似乎有咗答案。
拍咗3年先播出嘅《波士早晨》，前日一集講述林泳淘有意搞一場潛水婚禮，喺酒店泳池學潛水。由於當時未有「禁奶令」，林泳淘亦應劇情需要穿上泳衣示人，佢喺水中彈下彈下，33C上圍表露無遺，但噚日播出街就突然blur咗部份鏡頭，巨咪不見了，唔少網民都話好失望。
反觀擁有32A上圍嘅李佳芯，同樣穿上桃紅色比堅尼，佢扭住蛇腰出場，吸引眾人目光，但就可以保得住「咪咪」唔使被blur，睇嚟被禁出街嘅都係同cup數有關。