新聞類別
娛樂
詳情#
【蘋果日報】
現年37歲嘅姚子羚（Elaine）同坐擁逾億身家嘅男友「的士邦」鄭子邦頻頻傳好事近，但近日卻傳出掟煲，Elaine噚日黃昏5點幾，喺Instagram直認已經甩拖。
「愛有不同方式」
Elaine自言甚少喺社交網絡提及感情事，但與其有唔同揣測同假設，所以佢選擇出聲，留言：「謝謝大家的關心，這是我們共同的決定，這些年我們共同經歷的，也就只有我們最明白，也感恩有他在我身邊。我們仍然很好，仍會彼此關心、支持、愛護對方，一段關係的完結並不代表就是結束，愛其實可以有更多不同的方式，我相信無論我們是甚麼關係，仍會守護、祝福對方。」而佢回覆《蘋果》時，亦叫大家給予空間。
噚日有周刊指Elaine同男友拍拖三年一直等嫁，點知離過婚嘅鄭子邦對結婚興趣唔大，一來離過婚，二來雙親已離世，佢冇再婚壓力，所以兩人喺農曆年前又為結婚問題爭拗，最後男方提出畀一個冷靜期大家諗清楚。受情困嘅Elaine選擇農曆年同龔嘉欣去日本旅行散心，的士邦就同一班好友去澳洲。
撰文：馮仁昭
現年37歲嘅姚子羚（Elaine）同坐擁逾億身家嘅男友「的士邦」鄭子邦頻頻傳好事近，但近日卻傳出掟煲，Elaine噚日黃昏5點幾，喺Instagram直認已經甩拖。
「愛有不同方式」
Elaine自言甚少喺社交網絡提及感情事，但與其有唔同揣測同假設，所以佢選擇出聲，留言：「謝謝大家的關心，這是我們共同的決定，這些年我們共同經歷的，也就只有我們最明白，也感恩有他在我身邊。我們仍然很好，仍會彼此關心、支持、愛護對方，一段關係的完結並不代表就是結束，愛其實可以有更多不同的方式，我相信無論我們是甚麼關係，仍會守護、祝福對方。」而佢回覆《蘋果》時，亦叫大家給予空間。
噚日有周刊指Elaine同男友拍拖三年一直等嫁，點知離過婚嘅鄭子邦對結婚興趣唔大，一來離過婚，二來雙親已離世，佢冇再婚壓力，所以兩人喺農曆年前又為結婚問題爭拗，最後男方提出畀一個冷靜期大家諗清楚。受情困嘅Elaine選擇農曆年同龔嘉欣去日本旅行散心，的士邦就同一班好友去澳洲。
撰文：馮仁昭
回應 (0)
