新聞類別
娛樂
詳情#
【蘋果日報】【閃耀人生女人心 張天愛系列之5 華人之光】張天愛天生熱愛芭蕾舞，現年58歲的她，更視芭蕾舞為終身事業，4歲開始跳舞，當時已獲舞蹈家王仁曼大讚，及後叫她參加英國皇家芭蕾舞考試。當年只有9歲的張天愛，在五千名考生中突圍而出，成為英國皇家舞蹈學院開院以來第一個亞洲人，院內更為她設立雕像。
「唔跳舞唔正常」
自言父母對她要求很高的張天愛，陪胞姊跳舞而加入跳舞班，一跳就愛上，她說：「4歲就開始，跟住Miss Wong（王仁曼）就話我幾聰明，啲筋骨又幾鬆，就叫咗我去考。」張天愛憶述當時情況：「嗰時考試一考就考咗七日，第一日就考跳舞。第二日就量度身形、拉筋睇你筋骨軟唔軟。第三日就照X-ray，因為可以預計你將來身形，睇吓你有冇斷過骨，手腳對唔對稱，有冇一邊長。第四日就同你傾偈考英文，問你志向，點解要考呢間學校。」
成功考入英國皇家舞蹈學院，張天愛沒有特別高興，直至王仁曼登報紙公告天下，她才醒覺原來是一件很威的事。事後，張天愛瘋狂愛上芭蕾舞，一跳魂魄就如同去了另一世界，飯可不吃，舞不可不跳，她說：「總之我覺得跳舞就係正常，唔跳舞就唔正常。」
「個人鍾意複雜」
百種舞蹈中，張天愛獨愛芭蕾，她說：「因為佢夠嚴格同仔細，加上難度高，又要聽音樂，又要記步法，又要控制啲muscle好多種，咁我做到，有個滿足感。同埋我諗我個人鍾意複雜，啲動作、音樂要諗，好複雜，個敏銳度好高，古典芭蕾舞有一千樣嘢，我鍾意呀。」
採訪：林妙萍
攝影：郭賢興
「唔跳舞唔正常」
自言父母對她要求很高的張天愛，陪胞姊跳舞而加入跳舞班，一跳就愛上，她說：「4歲就開始，跟住Miss Wong（王仁曼）就話我幾聰明，啲筋骨又幾鬆，就叫咗我去考。」張天愛憶述當時情況：「嗰時考試一考就考咗七日，第一日就考跳舞。第二日就量度身形、拉筋睇你筋骨軟唔軟。第三日就照X-ray，因為可以預計你將來身形，睇吓你有冇斷過骨，手腳對唔對稱，有冇一邊長。第四日就同你傾偈考英文，問你志向，點解要考呢間學校。」
成功考入英國皇家舞蹈學院，張天愛沒有特別高興，直至王仁曼登報紙公告天下，她才醒覺原來是一件很威的事。事後，張天愛瘋狂愛上芭蕾舞，一跳魂魄就如同去了另一世界，飯可不吃，舞不可不跳，她說：「總之我覺得跳舞就係正常，唔跳舞就唔正常。」
「個人鍾意複雜」
百種舞蹈中，張天愛獨愛芭蕾，她說：「因為佢夠嚴格同仔細，加上難度高，又要聽音樂，又要記步法，又要控制啲muscle好多種，咁我做到，有個滿足感。同埋我諗我個人鍾意複雜，啲動作、音樂要諗，好複雜，個敏銳度好高，古典芭蕾舞有一千樣嘢，我鍾意呀。」
採訪：林妙萍
攝影：郭賢興
回應 (0)
