新聞類別
娛樂
詳情#
【蘋果日報】
食腦杜汶澤睇好數碼化時代嘅大趨勢，籌備咗幾個月嘅網台，將喺下周五（23號）開台，當晚10點喺facebook開live，佢仲溫馨提示呼籲要睇《杜汶澤喱騷》。
教服侍老公
講到網台，阿澤噚日喺電話訪問中話：「我幫ViuTV同奇妙電視拍好多節目，發覺有啲idea好想自己搞，電視台尺度、級別唔可以太大膽，我自己畀錢拍。」阿澤仲構思緊好多真人騷，佢話：「有啲係教育節目，搵江若琳教識佢點樣做個好老婆，教佢點服侍好老公，咁就永遠唔出去滾，永遠唔變心。」阿澤話佢嘅節目好多元化：「又啱家庭觀眾，又啱主婦睇，你唔睇就笨。」
《杜汶澤喱騷》預告片強調會迎合唔同智商同道德層嘅觀眾，阿澤喺片中同旗下新女貝依霖去學腳底按摩，佢仲同師傅交流手勢用力，將話題扯到要教番師傅空手道，更搞笑示範：「等手掌放鬆就啪落去（下體），啪完佢直接去歌連臣角。」阿澤又同性治療師何慕詩面談，喺鏡頭前大爆自慰次數，坦誠向性治療師形容自己狀態，娛樂「性」豐富。
不惜出股惑
早前同盤菜瑩子去日本拍《日本風涼話》，阿澤話去得日本唔少得去購物，去到性商店見到貨架擺滿潤滑劑，阿澤目不轉睛，盤菜瑩子就笑言有WD-40，阿澤聽後笑爆，忍唔住寸咗盤菜瑩子：「度門生銹呀，老公買支WD-40返嚟。」預告片中仲有剪咗面試時花絮，有一個女生大玩鋼管舞，為份工不惜出「股惑」，令阿澤看到眼瞪瞪。
撰文：馮仁昭
食腦杜汶澤睇好數碼化時代嘅大趨勢，籌備咗幾個月嘅網台，將喺下周五（23號）開台，當晚10點喺facebook開live，佢仲溫馨提示呼籲要睇《杜汶澤喱騷》。
教服侍老公
講到網台，阿澤噚日喺電話訪問中話：「我幫ViuTV同奇妙電視拍好多節目，發覺有啲idea好想自己搞，電視台尺度、級別唔可以太大膽，我自己畀錢拍。」阿澤仲構思緊好多真人騷，佢話：「有啲係教育節目，搵江若琳教識佢點樣做個好老婆，教佢點服侍好老公，咁就永遠唔出去滾，永遠唔變心。」阿澤話佢嘅節目好多元化：「又啱家庭觀眾，又啱主婦睇，你唔睇就笨。」
《杜汶澤喱騷》預告片強調會迎合唔同智商同道德層嘅觀眾，阿澤喺片中同旗下新女貝依霖去學腳底按摩，佢仲同師傅交流手勢用力，將話題扯到要教番師傅空手道，更搞笑示範：「等手掌放鬆就啪落去（下體），啪完佢直接去歌連臣角。」阿澤又同性治療師何慕詩面談，喺鏡頭前大爆自慰次數，坦誠向性治療師形容自己狀態，娛樂「性」豐富。
不惜出股惑
早前同盤菜瑩子去日本拍《日本風涼話》，阿澤話去得日本唔少得去購物，去到性商店見到貨架擺滿潤滑劑，阿澤目不轉睛，盤菜瑩子就笑言有WD-40，阿澤聽後笑爆，忍唔住寸咗盤菜瑩子：「度門生銹呀，老公買支WD-40返嚟。」預告片中仲有剪咗面試時花絮，有一個女生大玩鋼管舞，為份工不惜出「股惑」，令阿澤看到眼瞪瞪。
撰文：馮仁昭
回應 (0)
