新聞類別
娛樂
詳情#
【蘋果日報】
林建岳旗下寰亞傳媒（8075）上周發盈警，預期截至2018年1月底為止6個月的中期業績由賺變蝕，公司上年12月中公佈截至上年10月底為止嘅3個月業績時，已錄得股東應佔虧損約1.9億元。上星期裁員10幾人，搞到人心惶惶。有指上年幾部大片都蝕大本，得彭浩翔嘅《春嬌救志明》有微利，但春嬌同志明都要同寰亞講拜拜。
余文樂約滿
楊千嬅同余文樂已同寰亞滿約，千嬅就搵老公丁子高做經理人，阿樂就搵番舒淇經理人管東銚繼續幫佢。據講仲有合約嘅導演好似劉偉強、杜琪峰等合約到期都會回復自由身接戲，而劉德華年底跨年演唱會，今年都冇預東亞娛樂一份，繼續咁落去，走吓一個，走吓一個都幾大鑊。
其實寰亞蝕錢重災區係電影部，林建岳近呢幾年專心從政，娛樂事業好明顯冇乜點理，交畀陳嘉上同陳慶嘉去主理，但佢兩個八足咁多爪，成日喺出邊有咁多戲搞，點會專心幫一間公司打工，間公司交畀呢兩個大忙人去搞，外邊導演要約佢哋見面傾合作都難。咁電影部又點會做得好，依家佢公司內部已經冇晒士氣，睇嚟林老闆再唔理嘅話，出年業績都好難有起色！
撰文：馮仁昭
林建岳旗下寰亞傳媒（8075）上周發盈警，預期截至2018年1月底為止6個月的中期業績由賺變蝕，公司上年12月中公佈截至上年10月底為止嘅3個月業績時，已錄得股東應佔虧損約1.9億元。上星期裁員10幾人，搞到人心惶惶。有指上年幾部大片都蝕大本，得彭浩翔嘅《春嬌救志明》有微利，但春嬌同志明都要同寰亞講拜拜。
余文樂約滿
楊千嬅同余文樂已同寰亞滿約，千嬅就搵老公丁子高做經理人，阿樂就搵番舒淇經理人管東銚繼續幫佢。據講仲有合約嘅導演好似劉偉強、杜琪峰等合約到期都會回復自由身接戲，而劉德華年底跨年演唱會，今年都冇預東亞娛樂一份，繼續咁落去，走吓一個，走吓一個都幾大鑊。
其實寰亞蝕錢重災區係電影部，林建岳近呢幾年專心從政，娛樂事業好明顯冇乜點理，交畀陳嘉上同陳慶嘉去主理，但佢兩個八足咁多爪，成日喺出邊有咁多戲搞，點會專心幫一間公司打工，間公司交畀呢兩個大忙人去搞，外邊導演要約佢哋見面傾合作都難。咁電影部又點會做得好，依家佢公司內部已經冇晒士氣，睇嚟林老闆再唔理嘅話，出年業績都好難有起色！
撰文：馮仁昭
回應 (0)
