《中英》大阪電影節　封優秀作品

【蘋果日報】第13屆大阪亞洲電影節昨日舉行頒獎典禮，趙崇基導演的《中英街1號》獲頒最優秀作品獎。在頒獎禮前，趙崇基率演員游學修、廖子妤及盧鎮業舉行影迷見面會，席間談到電影能否在港上映時，一時感觸落淚：「八年時間，付出多年心血，面對重重壓力，又聽過好多叫我放棄嘅聲音，今日終於喺大銀幕上睇到自己嘅作品。」他於得獎後受訪再說：「外邊人咁鍾意，有獎項嘅認可，對我呢部戲喺香港上映可能有啲幫助。我未至於好悲觀咁話香港一定上唔到，希望盡量爭取到。」


此外，獲大會頒發亞洲明星大獎的杜汶澤受訪說：「我喺大阪拎亞洲明星大獎，同時間Stephy（鄧麗欣）喺『最港電影大獎』拎咗最港女演員，對我嚟講更加有意義，我冇失禮香港電影人，繼續為香港電影出一分微力。」不料阿澤昨晚在fb自爆，獎座已被老婆田蕊妮跣手跌爛了。


採訪：李森