新聞類別
娛樂
詳情#
【蘋果日報】
台灣天王周杰倫（周董）上周四開始喺香港舉行一連十場「地表最強2世界巡迴演唱會」，每次佢嚟開騷，都有好多圈中人捧場。大前晚有楊千嬅夫婦、任賢齊、邱淑貞帶同沈月、沈晨一齊出現，佢兩個女越大越靚，散場嗰陣仲邊行邊飲檸檬茶。當晚完騷後，周董就同十名工作人員去林小明位於尖沙嘴嘅潮牛莊火鍋店打邊爐。
而鄧紫棋（G.E.M.）同好姊妹何超蓮前晚約埋去睇周董演唱會，G.E.M.嘅男友亦都在場。完場後佢哋仲入後台同周董打招呼，直到凌晨12點左右，佢哋有講有笑一齊由後門離開。
揮手離場
有歌迷認出G.E.M.，就走埋去搵佢影相，當座駕到達之後，超蓮就拍拍G.E.M.膊頭，示意叫佢先上車，至於超蓮架車，唔夠兩分鐘都到咗，佢哋就分別上車走。門口約有三、四十位歌迷等周董，佢出嚟嗰陣，都有同歌迷揮手，再上車離開。不過，周董前晚未有出街食飯，只留喺酒店食消夜，當佢返到酒店嗰陣，見到大堂有幾十個歌迷等緊，就表現得好cool，冇停低腳步就行去搭電梯。
撰文：馮仁昭
台灣天王周杰倫（周董）上周四開始喺香港舉行一連十場「地表最強2世界巡迴演唱會」，每次佢嚟開騷，都有好多圈中人捧場。大前晚有楊千嬅夫婦、任賢齊、邱淑貞帶同沈月、沈晨一齊出現，佢兩個女越大越靚，散場嗰陣仲邊行邊飲檸檬茶。當晚完騷後，周董就同十名工作人員去林小明位於尖沙嘴嘅潮牛莊火鍋店打邊爐。
而鄧紫棋（G.E.M.）同好姊妹何超蓮前晚約埋去睇周董演唱會，G.E.M.嘅男友亦都在場。完場後佢哋仲入後台同周董打招呼，直到凌晨12點左右，佢哋有講有笑一齊由後門離開。
揮手離場
有歌迷認出G.E.M.，就走埋去搵佢影相，當座駕到達之後，超蓮就拍拍G.E.M.膊頭，示意叫佢先上車，至於超蓮架車，唔夠兩分鐘都到咗，佢哋就分別上車走。門口約有三、四十位歌迷等周董，佢出嚟嗰陣，都有同歌迷揮手，再上車離開。不過，周董前晚未有出街食飯，只留喺酒店食消夜，當佢返到酒店嗰陣，見到大堂有幾十個歌迷等緊，就表現得好cool，冇停低腳步就行去搭電梯。
撰文：馮仁昭
回應 (0)
