新聞類別
娛樂
詳情#
【蘋果日報】
鍾欣潼（阿嬌）同衛詩雅等噚日現身金鐘出席服裝品牌活動，藍色低胸裝上陣嘅阿嬌，雖然身材冇乜睇頭，但人逢喜事精神爽，問阿嬌係咪靚咗？佢笑住話：「嚟緊要返內地拍電影，唔關結婚事，我咁懶都日日做面膜，因為當地好乾，要養足精神去拍，要去個幾月。」
問到籌備結婚進展如何？阿嬌話：「見過家長，其他嘢未plan。」至於家長嘅評語，佢笑笑口話：「對我好好，咁我本身都係善良嘅人嚟嘅！」阿嬌又話男方家長未有催佢生B，問佢知唔知會否收金豬？阿嬌話：「我已經叫咗公司珠寶店，話如果我阿媽去買（金豬）唔好攞畀佢，我唔想戴。」問到會唔會生B，佢話會，但係咪豬B要睇緣份。
工作不斷，但阿嬌話冇影響結婚：「我係勤勞藝人，結婚都會工作，時間自己分配，不過未諗到去邊影結婚相。」提到好姊妹容祖兒同劉浩龍分手，阿嬌就話：「最緊要佢開心，佢願意講就講，我哋唔會八卦。」
衛詩雅度假滑浪
衛詩雅就話過幾日會去亞洲滑浪度假，因為一個人去，所以會去東南亞一啲安全又溝通到嘅地方。問佢怕唔怕俾人屈錢？佢笑住話：「唔會屈到我，因為我冇錢，同埋我請咗教練。」
撰文：馮仁昭
鍾欣潼（阿嬌）同衛詩雅等噚日現身金鐘出席服裝品牌活動，藍色低胸裝上陣嘅阿嬌，雖然身材冇乜睇頭，但人逢喜事精神爽，問阿嬌係咪靚咗？佢笑住話：「嚟緊要返內地拍電影，唔關結婚事，我咁懶都日日做面膜，因為當地好乾，要養足精神去拍，要去個幾月。」
問到籌備結婚進展如何？阿嬌話：「見過家長，其他嘢未plan。」至於家長嘅評語，佢笑笑口話：「對我好好，咁我本身都係善良嘅人嚟嘅！」阿嬌又話男方家長未有催佢生B，問佢知唔知會否收金豬？阿嬌話：「我已經叫咗公司珠寶店，話如果我阿媽去買（金豬）唔好攞畀佢，我唔想戴。」問到會唔會生B，佢話會，但係咪豬B要睇緣份。
工作不斷，但阿嬌話冇影響結婚：「我係勤勞藝人，結婚都會工作，時間自己分配，不過未諗到去邊影結婚相。」提到好姊妹容祖兒同劉浩龍分手，阿嬌就話：「最緊要佢開心，佢願意講就講，我哋唔會八卦。」
衛詩雅度假滑浪
衛詩雅就話過幾日會去亞洲滑浪度假，因為一個人去，所以會去東南亞一啲安全又溝通到嘅地方。問佢怕唔怕俾人屈錢？佢笑住話：「唔會屈到我，因為我冇錢，同埋我請咗教練。」
撰文：馮仁昭
回應 (0)
