Kay BB工廠光榮結業

【蘋果日報】謝安琪（Kay）昨日在尖沙嘴出席藝術活動，示範以玩具車作為畫筆創作畫作。Kay在過去一年當全職媽媽，她笑說令一對仔女更黐身。講到老公張繼聰指在家很重要，阿Kay笑老公說：「好似今日咁講藝術，佢嘅係語言『偽』術，佢可能係最高境界自己呃自己，佢喺屋企嘅地位就唔好講，不過我哋都欣賞佢喺出面辛苦工作。佢平日好吹噓自己好緊要，可能係想彌補心靈上空虛，由得佢。」


至於會否再追第三胎，Kay表示大仔好想再有弟妹，並視她為「Kay BB工廠」，問到「Kay BB工廠」是否暫時停工，她說：「應該係榮休，光榮結業，人生去到依家41歲，係下半場剛剛開始，有一對仔女已經好滿意，喺事業上面有更多想追求。」


採訪：馬建華

攝影：沈健程