傳言承旭直闖林志玲香閨相中人原來係…

【蘋果日報】43歲林志玲同41歲言承旭去年被爆喺馬來西亞一齊健身，有傳二人「世紀復合」，不過二人都冇回應係唔係愛火重燃，言承旭當時話好開心大家聯繫，彼此係真誠同互相關心，早前傳出林志玲同言承旭預訂峇里婚宴場地Ayana Resort And Spa，台媒更指婚宴日期訂喺3月22號，之但係二人否認婚訊。


昨日有台灣周刊爆言承旭「登門入室」，直闖林志玲香閨，據知林志玲於2013年文山區置產，以市價港元1200萬元買「昇陽田田」頂樓，今個月11號拍到的林家照片中，報道指當時一個身型激似林志玲嘅女子，邊講電話邊往右邊房間行入去，同時另一個外型神似言承旭嘅黑衣「男子」尾隨。


台灣《蘋果》向林志玲經理人求證，佢駁斥周刊報導：「照片裡沒有言承旭！那是我！」並提供照片，的確留著短髮，與周刊報道嘅相中人穿同一款黑色上衣，據知經理人表示其實當初購入時，林志玲係為咗俾長輩一個可以舒適嘅居住環境，平常姐姐都同家人同住。