趙世曾開戲千萬招女一

【蘋果日報】趙世曾昨以旗下卓能集團名義刊登廣告，宣佈將開拍「趙世曾傳記」，招募演員，酬金更高達100萬，他昨回覆為何有這構思：「自己過咗人生大部份時間，多姿多采，好多人都想知想睇，想留番個紀念。」趙生透露製作費逾億：「個廣告係小酬勞，小角色要畀啲獎金，大角色會有100萬，女主角唔止呢個數，過千萬都會畀，依家籌備當中，心目中有心水演員。」


趙世曾會揀甚麼演員扮他：「睇吓邊個行出嚟似我，故事圍繞我一生，我嘅花邊新聞，一定會有，我有一萬個女友，戲入面有十個女友做番少不免。」女兒趙式芝笑言父親出聲，她不介意演出：「最有興趣睇番佢喺英國大學時代生活、創業奮鬥史。」


採訪：唐如