昆凌稱有其父必有其子周杰倫搞鬼：從小就餵珍奶

【蘋果日報】周杰倫同昆凌育有2歲大女Hathaway同9個月大嘅囝囝Romeo，佢哋相當保護一對仔女，見昆凌每次擺仔女相上網，相中僅見仔女背影，再唔係就戴住帽遮面，唔想俾外界影到仔女容貌。
昆凌前晚喺網上罕有貼出抱囝合照，留言：「一模一樣的姿勢，有其父必有其子。」唔少fans都知周杰倫一向係珍珠奶茶狂，成日都去買嚟飲，周杰倫見昆凌貼咗Romeo嘅相，就搞鬼回覆：「從小就餵珍奶。」不過昆凌就get唔到老公個gag，秒回解釋係「珍貴的奶」。
相中見Romeo戴住鴨嘴帽、手仔捉住帽邊，眼仔被帽遮住，呢個都可以算係周杰倫間唔中會擺嘅pose，雖然見唔到Romeo正面相，不過fans可以見到Romeo圓嘟嘟嘅面仔同大髀仔已經好滿足。