新聞類別
娛樂
詳情#
【蘋果日報】蔡楓華、陳秀雯同袁麗嫦（Lisa）將於後日起一連兩日喺灣仔伊館舉行「真．經典演唱會」，今次開騷全部歌都圍繞經典電視劇主題曲。噚日三人喺觀塘綵排，袁麗嫦即場獻唱《鱷魚淚》，蔡楓華就唱出羅文嘅《魔劍俠情》。
受訪時，蔡楓華好有風度咁攞住支咪，不過佢就話會同Ella合唱《人在旅途灑淚時》，身邊嘅袁麗嫦立刻笑住糾正佢話：「我叫Lisa，你太多女朋友喇。」
陳秀雯冇壓力
陳秀雯會唱首本名曲《再見艷陽天》主題曲《艷陽》，同埋《再見亦是老婆》同《穆桂英》主題曲等，雖然一段時間冇公開演出，陳秀雯覺得完全冇壓力，仲話：「壓力好多年前已經唔知去咗邊，我個心跳得慢，冇砰砰嘭嘭聲。」反而蔡楓華就話：「我個心跳得好快，好似羅文話齋，就算唱咗幾多年都一樣會緊張，有人上台前會飲少少酒減壓，我就natural high，我不怕掌聲，不怕噓聲，最怕鴉雀無聲。」
三人異口同聲表示今次經典電視劇集歌曲係劇迷都會有共鳴。蔡楓華同陳秀雯曾於多年前合唱《碧血劍》，笑稱歌唔夠經典，入唔到今次演唱會。
撰文：馮仁昭
受訪時，蔡楓華好有風度咁攞住支咪，不過佢就話會同Ella合唱《人在旅途灑淚時》，身邊嘅袁麗嫦立刻笑住糾正佢話：「我叫Lisa，你太多女朋友喇。」
陳秀雯冇壓力
陳秀雯會唱首本名曲《再見艷陽天》主題曲《艷陽》，同埋《再見亦是老婆》同《穆桂英》主題曲等，雖然一段時間冇公開演出，陳秀雯覺得完全冇壓力，仲話：「壓力好多年前已經唔知去咗邊，我個心跳得慢，冇砰砰嘭嘭聲。」反而蔡楓華就話：「我個心跳得好快，好似羅文話齋，就算唱咗幾多年都一樣會緊張，有人上台前會飲少少酒減壓，我就natural high，我不怕掌聲，不怕噓聲，最怕鴉雀無聲。」
三人異口同聲表示今次經典電視劇集歌曲係劇迷都會有共鳴。蔡楓華同陳秀雯曾於多年前合唱《碧血劍》，笑稱歌唔夠經典，入唔到今次演唱會。
撰文：馮仁昭
回應 (0)
