黎明將樂基兒「愛的車牌」過戶俾Wing

【蘋果日報】黎明嘅助手Wing現正專心安胎，IG同fb都刪晒，求耳根清靜。不過收到風嘅點止傳媒，仲有一班好愛黎明嘅粉絲。
就咁嘅，黎明同樂基兒熱戀期間，經常去一家叫做RIVA嘅法國餐廳約會，黎明為紀念兩人甜蜜溫馨嘅日子，於是買咗個車牌，就係R1VA。
但原來去年十月嗰陣，R1VA呢個車牌，已經轉咗去Wing嘅黑色福士。
呢個轉變，係黎明粉絲先發現，但呢架車係AMusic公司登記，所以最初大家都冇為意。昨日有周刊報道咗歌迷呢個驚天發現……咦，去年十月？去年十月Wing仲同緊車房之子、富二代Vincent一齊去周國賢細妹個婚禮，但現時Wing已經係黎明BB媽媽，懷孕六個幾月。
講番呢個「R1VA」自訂車牌，黎明喺2010年，曾豪擲500萬元購入法拉利458 Italia型號黑色超級跑車，當時都係掛上「R1VA」呢個車牌。嗰陣仲係Amusic高層王凱文同助手子泉代黎明收車同驗車。