新聞類別
娛樂
詳情#
【蘋果日報】張國榮和黃耀明02年合作推出EP《Cross Over》，成為哥哥的最後一張唱片。其實哥哥當年飽受抑鬱症和胃酸倒流所困，在錄音室情緒低落，日前黃耀明接受《蘋果》訪問追憶當年情：「喺錄音室，佢take一個break去食煙，但其實佢好似已經戒咗煙好耐，我諗佢嗰排心情有少少麻麻哋。」
結果，兩人在錄音室走廊吞雲吐霧地傾偈：「當時佢提過籌備緊電影，有少少壓力，佢又有少少唔舒服，錄音時察覺佢聲音好沙。」《這麽遠．那麽近》由哥哥作曲和讀白，其中有句：「我懷疑嗰次把聲好沙嗰個就係你」，是刻意為哥哥加上去的。
當時的哥哥，身和心都病了，明哥憶述在錄完歌後，唱片公司計劃一系列宣傳，原本哥哥都開心應承，豈料MV開拍前一晚，哥哥就突然取消所有活動：「感受到佢開始被呢個病影響，有啲事會突然覺得好大壓力，承受唔到。」
哥哥和明哥同樣選擇同性做伴侶，97年哥哥在「跨越97演唱會」中以《月亮代表我的心》宣示唐鶴德的至愛地位，明哥則於12年在達明一派演唱會上公開性取向。
拖唐唐感震撼
明哥坦言雖然沒有被哥哥影響而「出櫃」，不過就被張國榮和唐唐的拖手畫面震撼了，明哥說：「佢公開自己性取向，其實對我嚟講，震撼未必係最大，我反而覺得佢同唐生喺街拖住手影相，更加令人覺得場面好感人，能夠將同性之間愛嘅感覺公開流露出嚟，係更加大嘅重要畫面。尤其佢跟住拍《春光乍洩》，都畀咗好多動力之後嘅人。」
採訪：余燕儀
化妝：Vanessa Wong
結果，兩人在錄音室走廊吞雲吐霧地傾偈：「當時佢提過籌備緊電影，有少少壓力，佢又有少少唔舒服，錄音時察覺佢聲音好沙。」《這麽遠．那麽近》由哥哥作曲和讀白，其中有句：「我懷疑嗰次把聲好沙嗰個就係你」，是刻意為哥哥加上去的。
當時的哥哥，身和心都病了，明哥憶述在錄完歌後，唱片公司計劃一系列宣傳，原本哥哥都開心應承，豈料MV開拍前一晚，哥哥就突然取消所有活動：「感受到佢開始被呢個病影響，有啲事會突然覺得好大壓力，承受唔到。」
哥哥和明哥同樣選擇同性做伴侶，97年哥哥在「跨越97演唱會」中以《月亮代表我的心》宣示唐鶴德的至愛地位，明哥則於12年在達明一派演唱會上公開性取向。
拖唐唐感震撼
明哥坦言雖然沒有被哥哥影響而「出櫃」，不過就被張國榮和唐唐的拖手畫面震撼了，明哥說：「佢公開自己性取向，其實對我嚟講，震撼未必係最大，我反而覺得佢同唐生喺街拖住手影相，更加令人覺得場面好感人，能夠將同性之間愛嘅感覺公開流露出嚟，係更加大嘅重要畫面。尤其佢跟住拍《春光乍洩》，都畀咗好多動力之後嘅人。」
採訪：余燕儀
化妝：Vanessa Wong
回應 (0)
