新聞類別
娛樂
詳情#
【蘋果日報】去年主演《打死不離3父女》嘅印度影星阿米爾汗（Aamir Khan）喺新作《打死不離歌星夢》夥拍少女新演員薩伊拉華森（Zaira Wasim），透過戲中演欣兒嘅薩伊拉華森當蒙面歌手一夜爆紅，揭示印度女性地位掣肘箇中艱辛經歷。該片廣東話版主題曲《歌星如初》就由人母謝安琪（Kay）主唱。
感動爆喊
Kay話睇呢齣戲時淚崩：「小女孩好想幫媽咪掙脫屋企，好嬲媽咪點解咁懦弱，之後得知媽咪喺阿女未出世前發現BB性別係女仔，所有人叫落咗BB，媽咪逃走後生咗個女，之後再抱返屋企，聽到背後故事好感人即淚崩。呢個係印度幾嚴重問題，男女未平等，好多屋企人發現係女仔都選擇墮胎。雖然係電影情節，但又係每日發生嘅社會問題。」
作為一子一女之母，Kay希望小朋友要有夢想：「我28歲先轉做歌手做音樂，媽咪擘大個口吓咗一聲，諗我會唔會畀星探呃，了解之後佢就放心。點解我咁想做音樂，我諗我嘅音樂為香港印下歷史印記。」佢感謝喺艱苦時期得到母親體諒：「香港近十年音樂行業比較艱難，屋企人唔出聲已經好好，我係屋企獨女，好慶幸媽咪從來冇畀壓力我，有自己空間追夢。」
撰文：馮仁昭
感動爆喊
Kay話睇呢齣戲時淚崩：「小女孩好想幫媽咪掙脫屋企，好嬲媽咪點解咁懦弱，之後得知媽咪喺阿女未出世前發現BB性別係女仔，所有人叫落咗BB，媽咪逃走後生咗個女，之後再抱返屋企，聽到背後故事好感人即淚崩。呢個係印度幾嚴重問題，男女未平等，好多屋企人發現係女仔都選擇墮胎。雖然係電影情節，但又係每日發生嘅社會問題。」
作為一子一女之母，Kay希望小朋友要有夢想：「我28歲先轉做歌手做音樂，媽咪擘大個口吓咗一聲，諗我會唔會畀星探呃，了解之後佢就放心。點解我咁想做音樂，我諗我嘅音樂為香港印下歷史印記。」佢感謝喺艱苦時期得到母親體諒：「香港近十年音樂行業比較艱難，屋企人唔出聲已經好好，我係屋企獨女，好慶幸媽咪從來冇畀壓力我，有自己空間追夢。」
撰文：馮仁昭
回應 (0)
