新聞類別
娛樂
詳情#
【蘋果日報】下月踏紅館，事先張揚只唱廣東歌，作出這個決定的，是七年沒在香港開騷的古巨基。由電視轉戰樂壇，回想那些年被無綫雪藏的日子，基仔以為自己玩完要轉行，怎知轉了做歌手，跟陳奕迅鬥到七彩，婚後卻放緩步伐，今日基仔語氣鏗鏘說：「絕對係仍然好鍾意唱歌。」
古巨基當年在無綫藝員訓練班出身，現年45歲的他，入行27年沒走上視帝之路，反而在樂壇唱出一片天，《必殺技》奪《叱咤》03年度我最喜愛的歌曲獎時，在台上爆喊：「我真係好鍾意唱歌。」然而，近幾年基仔卻很少在香港樂壇蒲頭，五年沒出廣東新碟，七年沒在紅館開騷，反而在內地《我是歌手3》見到他。下月基仔返來了，再踏紅館舉行「We我們」世界巡迴演唱會2018香港站，他說：「我強調係特別版香港站，因為今次會重新做歌單，全廣東歌。」
歌曲圍繞香港
為了今次演出，特別做了新戰衣和大道具，基仔更力撐廣東歌：「絕對淨係唱廣東歌，其實近年我見廣東樂壇好多新人輩出，雖然我依家出碟唔及以前密集，但我都有關注嘅。」除了開騷唱廣東歌，基仔正籌備廣東新碟，還找了黃子華合唱《子華說》，唱盡港人心聲：「今年我全力構思概念碟，係關於香港故事，《子華說》只有佢先能夠幫到我，內容將佢經典金句變歌詞，因為佢實在道出好多香港人心聲，子華神除咗棟篤笑之外，錄rap好多演技放晒入面，令件事更生動。」
基仔是否仍然很鍾意唱歌？他語氣鏗鏘說：「今日古巨基絕對係仍然好鍾意唱歌，自從當年休息冇再踏足頒獎禮，心情都唔同，隨住年紀越大，出產量想精，我唔單止鍾意唱歌，我係非常鍾意做音樂，我依家絕對珍惜出碟，希望做到自己嘅概念。」
由電視節目主持捱到做歌手，基仔最難忘被無綫「雪藏」的日子：「早期同TVB經理人合約唔識handle，叫做雪藏嗰段日子幾深刻，嗰時啱啱開始起步唱歌，我細路仔真係唔識傾合約，冇好迅速地將合約傾好，所以雪藏，心情喺谷底。」
遭雪藏感抑壓
基仔說：「嗰陣時叫做雪藏，但我唔係坐喺屋企冇嘢做，係被安排做啲喺香港唔會見街嘅嘢，嗰時興錄影帶賣去外埠，拍錄影帶算係雪藏另一種方法，好記得拍古裝《英雄貴姓》，傅明憲（GiGi）有份，我喺服裝間試過頂唔順，好多嘢抑壓喺心，坐喺堆古裝衫度喊，佢安慰我遞紙巾：『唔好喊！』呢個畫面好記得，轉眼咁多年，所以同GiGi好好感情。」
採訪：余燕儀
化妝：Yannes Lee of ND&Co.
髮型：Mark Ip@HAIR
服裝提供：Solo Celeb.& HTDG
場地提供：英皇駿景酒店
古巨基當年在無綫藝員訓練班出身，現年45歲的他，入行27年沒走上視帝之路，反而在樂壇唱出一片天，《必殺技》奪《叱咤》03年度我最喜愛的歌曲獎時，在台上爆喊：「我真係好鍾意唱歌。」然而，近幾年基仔卻很少在香港樂壇蒲頭，五年沒出廣東新碟，七年沒在紅館開騷，反而在內地《我是歌手3》見到他。下月基仔返來了，再踏紅館舉行「We我們」世界巡迴演唱會2018香港站，他說：「我強調係特別版香港站，因為今次會重新做歌單，全廣東歌。」
歌曲圍繞香港
為了今次演出，特別做了新戰衣和大道具，基仔更力撐廣東歌：「絕對淨係唱廣東歌，其實近年我見廣東樂壇好多新人輩出，雖然我依家出碟唔及以前密集，但我都有關注嘅。」除了開騷唱廣東歌，基仔正籌備廣東新碟，還找了黃子華合唱《子華說》，唱盡港人心聲：「今年我全力構思概念碟，係關於香港故事，《子華說》只有佢先能夠幫到我，內容將佢經典金句變歌詞，因為佢實在道出好多香港人心聲，子華神除咗棟篤笑之外，錄rap好多演技放晒入面，令件事更生動。」
基仔是否仍然很鍾意唱歌？他語氣鏗鏘說：「今日古巨基絕對係仍然好鍾意唱歌，自從當年休息冇再踏足頒獎禮，心情都唔同，隨住年紀越大，出產量想精，我唔單止鍾意唱歌，我係非常鍾意做音樂，我依家絕對珍惜出碟，希望做到自己嘅概念。」
由電視節目主持捱到做歌手，基仔最難忘被無綫「雪藏」的日子：「早期同TVB經理人合約唔識handle，叫做雪藏嗰段日子幾深刻，嗰時啱啱開始起步唱歌，我細路仔真係唔識傾合約，冇好迅速地將合約傾好，所以雪藏，心情喺谷底。」
遭雪藏感抑壓
基仔說：「嗰陣時叫做雪藏，但我唔係坐喺屋企冇嘢做，係被安排做啲喺香港唔會見街嘅嘢，嗰時興錄影帶賣去外埠，拍錄影帶算係雪藏另一種方法，好記得拍古裝《英雄貴姓》，傅明憲（GiGi）有份，我喺服裝間試過頂唔順，好多嘢抑壓喺心，坐喺堆古裝衫度喊，佢安慰我遞紙巾：『唔好喊！』呢個畫面好記得，轉眼咁多年，所以同GiGi好好感情。」
採訪：余燕儀
化妝：Yannes Lee of ND&Co.
髮型：Mark Ip@HAIR
服裝提供：Solo Celeb.& HTDG
場地提供：英皇駿景酒店
回應 (0)
