【攞獎金句】學友留感言

【蘋果日報】那些年歌手都想攞獎，在頒獎禮上留下不少金句，除古巨基「我真係好鍾意唱歌」，許志安的廚房宣言都好震撼。
譚詠麟　最後攞獎
80年代紅霸樂壇的阿倫，於87年突然在港台頒獎禮上宣佈不再攞獎：「由今年開始，我唔會再攞任何同音樂有關嘅獎項。」
楊千嬅　哭奪金獎
00年在《叱咤》頒獎禮擊敗陳慧琳和容祖兒，首奪女歌手金獎的千嬅爆喊說：「我乜都冇，淨係心口有個『勇』字……」
張學友　好歌好報
同是00年《叱咤》頒獎禮，學友獲我最喜愛的男歌手獎，有感而發：「希望喺新嘅一年，好歌有好報。」
許志安　廚房宣言
01年首奪《勁歌》最受歡迎男歌星，安仔在台上哽咽向鄭秀文示愛：「有一個人我要好多謝，記得幾年前喺佢廚房同佢講，如果有一日你攞女歌星獎，我攞男歌星獎就好，佢話你畀啲心機，相信自己就得。」
容祖兒　「係咪噓我」
05年在《叱咤》頒獎禮奪女歌手金獎，台下傳出一片聲音，祖兒在台上問觀眾：「你哋唔係噓我呀嗎？」成為全城熱話。