新聞類別
娛樂
詳情#
【蘋果日報】【我們的演唱會】鄧健泓將於本月底在麥花臣場館舉行音樂會，日前他在新蒲崗接受訪問，提到對上一次舉行音樂會已經是十年前的事，他坦言當歌手的夢仍未幻滅：「唱歌咋，唱到歌嘅人就係歌手啦！係咪一定要喺年尾攞獎先至係一個成功嘅歌手？我冇放棄過，只不過係冇以前咁。近年學識好多嘢，其中一樣係隨遇而安，放低執着、學識接受，不如用強求嘅力量，做好眼前有嘅機會。心態唔同咗，我要做好咗自己先，過唔過得到人，係要睇緣份。」
年紀大操到嘔
不過，鄧健泓聲稱對演唱會沒有太大期望，只希望得到大家的支持：「因為個騷唔係我主動要搞，主辦單位想搵啲有人記得嘅歌手，我收到邀請，有機會就盡力做，呢個咪就係機會囉。」每個男性的演唱會，必問有沒有操肌？鄧健泓笑說：「依家年紀大，好耐冇做運動，教練同我操肌，始終新陳代謝慢，要食好多蛋白質，比以前更多付出先有成果，前幾日就操到我嘔。冇諗住除衫㗎，隨意啦！」
投資老婆好過
先後離開正東唱片和無綫，無家可歸的鄧健泓，遇上賢妻石詠莉（Sukie），決定孤注一擲，全副身家投資在她出發燒碟，看似脫離樂壇的他，其實比以前更貼近這個圈子。他說：「因為我睇Sukie條路仲有好長可以行，呢個投資好正確，呢十幾年我都冇離開過樂壇。」甘願做Sukie背後的男人，由歌手走到監製唱片，他覺得一直隨緣最好，人生有得選擇是一件幸福事，但凡事也要順其自然，看到太太的唱片賣得好，那一份滿足感勝過以前：「我哋兩個人去創造一條路、一個奇蹟，嗰種成功感，好大。」
採訪：楊潔雯
攝影：葉君海
髮型：Euling Chow of IL COLPO TST
場地提供：香港九龍貝爾特酒店
年紀大操到嘔
不過，鄧健泓聲稱對演唱會沒有太大期望，只希望得到大家的支持：「因為個騷唔係我主動要搞，主辦單位想搵啲有人記得嘅歌手，我收到邀請，有機會就盡力做，呢個咪就係機會囉。」每個男性的演唱會，必問有沒有操肌？鄧健泓笑說：「依家年紀大，好耐冇做運動，教練同我操肌，始終新陳代謝慢，要食好多蛋白質，比以前更多付出先有成果，前幾日就操到我嘔。冇諗住除衫㗎，隨意啦！」
投資老婆好過
先後離開正東唱片和無綫，無家可歸的鄧健泓，遇上賢妻石詠莉（Sukie），決定孤注一擲，全副身家投資在她出發燒碟，看似脫離樂壇的他，其實比以前更貼近這個圈子。他說：「因為我睇Sukie條路仲有好長可以行，呢個投資好正確，呢十幾年我都冇離開過樂壇。」甘願做Sukie背後的男人，由歌手走到監製唱片，他覺得一直隨緣最好，人生有得選擇是一件幸福事，但凡事也要順其自然，看到太太的唱片賣得好，那一份滿足感勝過以前：「我哋兩個人去創造一條路、一個奇蹟，嗰種成功感，好大。」
採訪：楊潔雯
攝影：葉君海
髮型：Euling Chow of IL COLPO TST
場地提供：香港九龍貝爾特酒店
回應 (0)
