碧咸大仔偷食斷正背女友嘉兒激咀《花花公子》模特兒

【蘋果日報】碧咸大仔Brooklyn Beckham同美國女星「紫天椒」嘉兒莫蕊茲（Chloe Moretz）多次離離合合，最近翻撻之後看似打得火熱，但前日Brooklyn竟然被人影到背女友激咀上過《花花公子》（Playboy）嘅索模Lexi Wood，睇嚟同嘉兒應該凍過水。
19歲嘅Brooklyn被人發現在西荷李活一間紋身店，身邊仲有位索模女伴Lexi，點知傾傾下計就越坐越埋，最後二人竟然激咀，完全視嘉兒為無物。今年2月，Brooklyn先同嘉兒慶祝完對方嘅21歲生日，二人又食晚餐又餵蛋糕，狀甚甜蜜，直到現時二人一直都無宣佈過分手，點知到Brooklyn就被發現「偷食」。