新聞類別
娛樂
詳情#
【蘋果日報】鄭欣宜嘅兩場處女紅館騷「BREAK A LEG」將於下周六開鑼，由於已經進入倒數階段，噚日欣宜到九龍灣密鑼緊鼓排舞，跳到頭髮都亂了，欣宜話最長一part舞接近18分鐘，戰衣唔會特別性感，最多短裙打底，至於有冇bra top性感造型？欣宜笑笑口話：「雖然最近瘦咗，但都冇可能打個肚腩出嚟，整親腳之後，都有睇營養師，配合運動。」
重新拉筋
欣宜仲笑住話依家瘦咗好多，驚大家唔認得佢，但問到有冇安排舞蹈員將佢抬起？欣宜反駁話：「你唔畀我畏高㗎，其實我對dancers好好，有親手整嘢畀佢哋食，跳舞時大家有健康嘅身體接觸囉。」由於早排腳傷關係，依家跳舞時仍然有啲痛，物理治療師話可能傷口未癒，欣宜話：「《你瘦夠了嗎？》呢首歌嘅招牌動作，將隻腳舉起都未做到，要改練另一隻腳，重新拉過筋。」欣宜仲話都有反覆問自己，點解喺演唱會前唔小心整傷，今次腳傷令自己唔會挑戰難度。
撰文：馮仁昭
重新拉筋
欣宜仲笑住話依家瘦咗好多，驚大家唔認得佢，但問到有冇安排舞蹈員將佢抬起？欣宜反駁話：「你唔畀我畏高㗎，其實我對dancers好好，有親手整嘢畀佢哋食，跳舞時大家有健康嘅身體接觸囉。」由於早排腳傷關係，依家跳舞時仍然有啲痛，物理治療師話可能傷口未癒，欣宜話：「《你瘦夠了嗎？》呢首歌嘅招牌動作，將隻腳舉起都未做到，要改練另一隻腳，重新拉過筋。」欣宜仲話都有反覆問自己，點解喺演唱會前唔小心整傷，今次腳傷令自己唔會挑戰難度。
撰文：馮仁昭
回應 (0)
