【馮仁昭四圍超】周六洲際擺酒張家瑩婚前狂歡

【蘋果日報】現年34歲嘅07年亞姐冠軍張珮汶（前名張家瑩，Grace）舊年同圈外男友低調拍拖，同年10月到峇里出席友人婚禮，Grace接受男友求婚，本周六喺尖沙嘴洲際酒店擺喜酒，因男方唔係圈中人，所以一切低調進行，Grace嘅邀請名單只係圈中嘅亞視好友。
曹敏寶嫁科學家
近日一對新人向好友派帖，喜帖顯示男友叫何駿杰（Adrian），婚禮當日賓客dress code係「Black Tie Optional」，男士可着「踢死兔」或深色西裝配領呔，女士就着晚裝或cocktail dress。而Grace趁婚前去咗成人嘉年華18+ Central同6女狂歡，佢仲喺Ig貼出同兩名猛男嘅合照，留言玩得好開心。Grace被爆忙於籌備婚禮，前晚佢回覆本報：「唔好意思，呢排籌備婚禮比較忙，所以沒有回覆。婚禮的事情暫不發表，因雙方家長都希望低調。」
撰文：馮仁昭