A380推出以來 阿聯酋最捧場

【明報專訊】有空中巨無霸之稱嘅A380，最多可容納850個乘客。佢喺2007年啟用後，至今已經有240架訂單。多個亞洲國家嘅航空公司，包括新加坡、迪拜、澳洲、泰國，都已經用緊A380，最近韓國嘅韓亞航空（Asiana Airlines），都啱啱訂咗6架，2014年開始收貨。唯獨香港嘅國泰航空（0293）比較有性格，暫時仲未引入呢架巨無霸。

根據空中巴士（Airbus）截至噚日嘅統計，A380最大嘅訂戶仍然係阿聯酋航空，已經訂咗90架，有15架已投入服務。澳洲航空同新加坡航空，都分別訂咗20架同19架，部分已投入服務。法航、英航、大韓航空都各自訂咗10幾架，暫時未收貨。至於香港嘅國泰，至今未有訂A380的打算，國泰行政總裁湯彥麟最近話要等A380系統更完備，先至考慮。