凌文龍佛系爭獎

【蘋果日報】今年電影圈新人輩出，早有梁雍婷被張經緯發掘在《藍天白雲》演弒母角色，後有凌文龍在《黃金花》中演自閉症人士。凌文龍自演藝學院戲劇學院畢業後，便投身香港話劇團成為全職演員，首部電影就為他帶來金像獎「最佳男主角」及「新演員」兩項提名，他以「佛系」概念說：「都係機緣，有次毛姐睇過我做舞台劇，部戲開時就諗起我。」
《黃》片首日在街市開工，嘈雜外，工作人員都非常忙，導演忽然就叫埋位，凌文龍感謝余安安，他說：「佢哋好忙唔敢問，但唔問就開始，多得安安姐跟場照顧我，佢話畀我聽邊度做得太緊。到第二、三日就習慣。」凌文龍自言兒時家教嚴以及家境問題，甚少接觸電視和電影，他說：「好多劇同電影都冇得睇，會偷睇，不過爸爸返嚟一摸部機熱唔熱，就知有冇開過。」他笑言可能因此令自己對表演感到好奇。
採訪：何永寧、Sapna
攝影：Neo