糖妹爆阿媽大膽玩跳傘

【蘋果日報】黃山怡（糖妹）和王梓軒昨日在鑽石山出席版權創作比賽記者會，糖妹表示剛從澳洲登台返港，今次與母親同行順便旅遊，她被母親的魄力嚇一跳：「佢60幾歲，但話睇風景嫌悶，要跳傘，我一向好驚，我被佢嘅魄力嚇親，但冇理由唔陪佢，我哋仲玩埋浮潛等等嘅運動，呢一次係好好嘅溝通機會。」她指沒料到母親會如此大膽，希望將來有機會再一起旅行。