陳凱琳中暑　嘉穎唔瞓等回覆

【蘋果日報】陳凱琳（Grace）昨日到中環出席化妝品牌ODELE活動，她透露剛從橫店拍劇回港，但在當地輕微中暑，Grace大爆男友鄭嘉穎體貼又窩心：「第二日就又嘔肚又唔舒服，好彩媽咪陪我去，幫我買藥。佢（鄭嘉穎）嗰日搵我，但我開完工就瞓冇覆，媽咪就話咗畀佢知乜事。到我凌晨4、5點短訊返佢，原來佢未瞓，話要等到我報平安先去瞓，真係好窩心。」
問到鄭嘉穎是否100分老公？Grace甜笑謂：「100分㗎。」提到她向江若琳取經擺酒，是否好事近？Grace笑指感到尷尬：「因為我屋企人有個group，我同佢哋講冷靜啲，如果係我會講，不過依家唔係籌備緊任何嘢。」問到林子善結婚當日指有兄弟好事近？她說：「係咪馬國明呀？推個波畀人先。不過見到佢同爹哋、媽咪關係咁好，我自己都好開心。」
採訪：盧妹
攝影：陳慧安