新聞類別
娛樂
詳情#
【蘋果日報】鍾嘉欣上月宣佈再懷孕，噚日陀B五個月嘅佢到中環出席Max Factor活動。佢話今次冇帶大女Kelly返嚟，問到肚中BB嘅性別？佢話：「照咗喇！不過我哋叫醫生唔好講，因為Kelly已經係好大嘅禮物，仔女都冇所謂，已經改咗兩個名。」
提Kelly眼濕濕
嘉欣已經灌輸做家姐概念畀Kelly：「我依家成日打開肚皮畀佢睇，每日佢都會錫幾次，不過我諗Kelly越嚟越黐身，會感到威脅，已經買咗個假BB等佢學餵奶。」提到離開Kelly兩星期係咪好唔捨得，嘉欣即眼濕濕：「起初以為自己OK，但當老爺奶奶話我知Kelly喺屋企搵我時就忍唔住。」
今胎妊娠反應比第一胎勁，問佢會唔會再追？嘉欣話唔會，仲透露預產期係秋天，生完會餵母乳。至於苟芸慧嘅婚禮，佢話如果今年就未必出席到。活動後，嘉欣坐車去牛頭角工廈工作，約晚上7點返將軍澳住所。
同場嘅「西瓜」李澄被問到妹妹「野人」李怡前度崔建邦結新歡，西瓜話：「幾好呀！又唔係我個妹，冇所謂啦，拍拖係開心事。」
撰文：馮仁昭
提Kelly眼濕濕
嘉欣已經灌輸做家姐概念畀Kelly：「我依家成日打開肚皮畀佢睇，每日佢都會錫幾次，不過我諗Kelly越嚟越黐身，會感到威脅，已經買咗個假BB等佢學餵奶。」提到離開Kelly兩星期係咪好唔捨得，嘉欣即眼濕濕：「起初以為自己OK，但當老爺奶奶話我知Kelly喺屋企搵我時就忍唔住。」
今胎妊娠反應比第一胎勁，問佢會唔會再追？嘉欣話唔會，仲透露預產期係秋天，生完會餵母乳。至於苟芸慧嘅婚禮，佢話如果今年就未必出席到。活動後，嘉欣坐車去牛頭角工廈工作，約晚上7點返將軍澳住所。
同場嘅「西瓜」李澄被問到妹妹「野人」李怡前度崔建邦結新歡，西瓜話：「幾好呀！又唔係我個妹，冇所謂啦，拍拖係開心事。」
撰文：馮仁昭
回應 (0)
