新聞類別
娛樂
詳情#
【蘋果日報】現年44歲的利嘉兒（Lily）於10年秘婚，再嫁內地製衣及門鎖生意的劉姓商人，婚後幸福做人妻，數年前曾復出做數碼台節目主持工作。Lily昨日在社交網公佈喜訊，榮升做準媽媽，留言：「踏入結婚八周年，我和老公收到了上帝很大的恩典，我們即將成為父母了！」
Lily接受本報電話訪問，她透露已懷孕4個月，未知BB性別，不過子女都冇所謂，提到今次有喜，她坦言屬意外：「結咗婚之後都好努力造人，以為好容易，但原來唔係咁簡單，依家反而冇抱過任何希望，估唔到中咗。初初同老公都唔相信，成日問係咪真㗎，差啲要每日互摑對方，睇吓大家係咪發緊夢，直到穩定咗，感覺強烈啲，個肚真係有第二個生命。」對於成為高齡產婦，Lily表示：「BB又好健康，所以我唔覺得有太大壓力，平常心喇，唔會話太緊張，始終媽媽嘅心情要保持輕鬆、健康，做自己鍾意做嘅嘢，唔好畀咁大壓力，我諗對BB係最好。」
奶奶燉湯
Lily表示陀B後全家人都興奮，老公緊張：「有乜嘢就等佢陪我，奶奶成日燉湯、整嘢畀我食，朋友又叫要小心唔好着高踭鞋，搞到一時間變咗細路！」原本，Lily計劃想收養一隻狗來陪家中的兩隻老狗，現因陀B就暫時擱置，但就好期待兩隻狗狗與BB一齊成長：「我諗到時屋企會好熱鬧、好開心。」此外，前度周國豐知道利嘉兒有喜，他回覆本報：「當然恭喜他們喇！」
採訪：唐琛悠
Lily接受本報電話訪問，她透露已懷孕4個月，未知BB性別，不過子女都冇所謂，提到今次有喜，她坦言屬意外：「結咗婚之後都好努力造人，以為好容易，但原來唔係咁簡單，依家反而冇抱過任何希望，估唔到中咗。初初同老公都唔相信，成日問係咪真㗎，差啲要每日互摑對方，睇吓大家係咪發緊夢，直到穩定咗，感覺強烈啲，個肚真係有第二個生命。」對於成為高齡產婦，Lily表示：「BB又好健康，所以我唔覺得有太大壓力，平常心喇，唔會話太緊張，始終媽媽嘅心情要保持輕鬆、健康，做自己鍾意做嘅嘢，唔好畀咁大壓力，我諗對BB係最好。」
奶奶燉湯
Lily表示陀B後全家人都興奮，老公緊張：「有乜嘢就等佢陪我，奶奶成日燉湯、整嘢畀我食，朋友又叫要小心唔好着高踭鞋，搞到一時間變咗細路！」原本，Lily計劃想收養一隻狗來陪家中的兩隻老狗，現因陀B就暫時擱置，但就好期待兩隻狗狗與BB一齊成長：「我諗到時屋企會好熱鬧、好開心。」此外，前度周國豐知道利嘉兒有喜，他回覆本報：「當然恭喜他們喇！」
採訪：唐琛悠
回應 (0)
