鄭融抓薛凱琪側田開騷

【蘋果日報】鄭融昨日在銅鑼灣時代廣場出席迷你音樂會，她說：「觀眾企得咁近好親切，喺表演期間仲見到舊同學同埋健身教練特登嚟同我打氣。」鄭融上次跟連詩雅合作開騷後，希望可以再同其他單位合作，她說：「自己騷要隨緣，始終香港搵場地唔容易亦都要兼顧票房，搵人一齊開壓力會細啲，希望可以有機會同薛凱琪或者側田研究吓，睇吓有冇機會一齊合作。」
鄭融透露新歌《一切天空早注定》早前已經拍完MV：「相當辛苦，我當時發緊燒，但因為新歌趕住出街所以冇得改期，結果嗰日足足拍咗17個鐘，之前我已經食定藥兼向上天祈禱希望會順利拍到，結果不單止順利拍完，自己亦真係退咗燒好番好多。」
採訪、攝影：曹家誠