工藤靜香膠樣上節目言論惹批評

【蘋果日報】日本男星木村拓哉自SMAP內訌後形象插水，月前木村擔演朝日電視台劇集《BG~身邊警護人》，搵嚟唔少紅人助陣，播出後反應唔錯，令其好感度回升，有報道指劇集有望拍攝特別版或電影版，木村甚至可能會主持一個秋天播出嘅綜藝節目。
不過木村嫂工藤靜香始終觀眾緣麻麻，日前佢成為石橋貴明主持節目首集嘉賓，除咗膠樣再次成為話題。其受訪態度亦受到抨擊。該集節目以80年代日本電視圈為主題，工藤靜香於80年代曾屬小貓俱樂部成員，席間佢提到當年根本唔想喺組合發展，完全冇衝勁去做，即被網民批抨佢對唔住當年粉絲，又話「根本冇人想睇工藤靜香」，而該集收視亦只得3.9%。