蕭正楠黃翠如孖公仔返港

【蘋果日報】【爆相爆片】蕭正楠和黃翠如已經是公開的一對，前晚《蘋果》收到讀者謝小姐「爆相爆片」，指兩人一身便裝現身機場，讀者謝小姐說：「我首先見到蕭正楠一個，剛剛喺入境櫃枱，之後見到黃翠如喺攞行李位置等佢，男嘅有講有笑，但女就全程耷低頭。到攞行李位置等咗15分鐘，男嘅攞咗行李喺附近B出口離開，女嘅就去比較遠嘅A出口離開。」
謝小姐提供短片，見到蕭正楠盡顯男士風度，推行李車、攞行李等粗重工夫都是由他做，兩人雖然已是公開情侶，但未見兩人有拖手等親密動作。蕭正楠和黃翠如屢傳婚訊，他們分別回覆傳媒，蕭正楠說：「結婚嘅傳聞已經回應得太多了，不再回應喇！多謝關心！」翠如BB則表示：「唔再講呢個話題喇，講得太多次。」
採訪：唐心悠