《三個女人》騷4吋事業線黃智雯認有做手腳

【蘋果日報】黃智雯(Mandy)同許家傑昨日就到元朗出席活動，Mandy同袁偉豪主演嘅劇集《三個女人一個「因」》剛於上周播放完畢，有指大台見到反應不俗，就決定足本20集喺網上播放，當中仲包括Mandy之前被刪走性感戲份，佢知道後就好開心，仲話自己喺戲入面有幾場好性感嘅戲，大騷4吋事業線，Mandy話拍完之後，導演都覺得好踩界呢！講到騷4吋事業線，Mandy就話自己身形不算豐滿，只係改衫同加墊嚟營造效果咁話。
另外，許家傑喺《愛‧回家之開心速遞》中飾演「送水輝」，令到佢人氣急升，有機會同林淑敏拍電器廣告，佢就話要多謝「大小姐」林淑敏嘅帶挈。