新聞類別
娛樂
詳情#
【蘋果日報】黃夏蕙噚晚喺新光戲院舉行慈善演唱會，佢老公潘炳烈、邵音音、魏秋樺同劉錫賢等人撐場，原本喺名單之列嘅祥嫂（洪金梅）就前晚發聲明，話同大會有分歧而請辭，指對方未有為祥哥愛徒申請工作證涉違法、現場冇中樂伴奏兼拒綵排同落台募捐唔安排保安欠安全意識等。
晏晝場惹爭執
講到祥嫂嬲咗夏蕙姨，音音姐都話有佢理由，更踢爆：「黃夏蕙做乜都亂晒龍，佢一世人都係咁，到時我哋執生。」音音姐又踢爆晏晝個場因重複劃位搞到有打架事件。夏蕙姨就講番同祥嫂意見不合，佢話：「冇，我冇意見不合，我好遷就，我黃夏蕙好千依百順。」夏蕙姨講到因好忙，冇打過畀祥嫂，仲講到好多人打畀祥嫂，佢都冇聽電話。
提到祥哥愛徒工作證冇辦妥，夏蕙姨解釋：「佢哋好遲先講，佢成個幾禮拜先同我講會嚟，但係搞工作證要一個月，政府唔批都冇辦法，嬲我做乜，都唔關我事，我唔想做啲犯法嘅嘢。」問到會唔會驚同祥嫂冇朋友做，夏蕙姨再講：「唔會冇朋友做，我唔鬧交，佢唔嚟唔緊要。」提到晏晝場騷打架事件，佢就話：「以為日頭唔會爆，就派咗飛畀慈善機構，有人嘈咗幾句，但冇打交。」
撰文：馮仁昭
晏晝場惹爭執
講到祥嫂嬲咗夏蕙姨，音音姐都話有佢理由，更踢爆：「黃夏蕙做乜都亂晒龍，佢一世人都係咁，到時我哋執生。」音音姐又踢爆晏晝個場因重複劃位搞到有打架事件。夏蕙姨就講番同祥嫂意見不合，佢話：「冇，我冇意見不合，我好遷就，我黃夏蕙好千依百順。」夏蕙姨講到因好忙，冇打過畀祥嫂，仲講到好多人打畀祥嫂，佢都冇聽電話。
提到祥哥愛徒工作證冇辦妥，夏蕙姨解釋：「佢哋好遲先講，佢成個幾禮拜先同我講會嚟，但係搞工作證要一個月，政府唔批都冇辦法，嬲我做乜，都唔關我事，我唔想做啲犯法嘅嘢。」問到會唔會驚同祥嫂冇朋友做，夏蕙姨再講：「唔會冇朋友做，我唔鬧交，佢唔嚟唔緊要。」提到晏晝場騷打架事件，佢就話：「以為日頭唔會爆，就派咗飛畀慈善機構，有人嘈咗幾句，但冇打交。」
撰文：馮仁昭
回應 (0)
