連攻三名店陳寶珠買裙快閃　睇中即畀錢

【蘋果日報】【銅鑼灣】陳寶珠粵語片時代的「女殺手」形象，可算深入民心，日前下午4時許，女殺手陳寶珠再現銅鑼灣，今次她不是警惡懲奸，而是出動去銅鑼灣快閃濕平。
最多十五分鐘
當日陳寶珠隻身去到銅鑼灣利園商場，主攻名店。第一站先到Dior，跟店員打過招呼後，落到地庫拿起幾條裙在鏡前一照，已經扑槌付錢，連試身都慳番。第二站是到Hermès店睇裙及錶，短短10分鐘內已經完成購物動作，輕鬆埋單走人。不過，陳寶珠仍然意猶未盡，繼續濕平，前往二樓的意大利品牌Brunello Cucinelli店，而今次逗留最耐，足足有15分鐘，之後拿着一袋二袋戰利品離開。
採訪、攝影：朱志聰、羅德光