新聞類別
娛樂
詳情#
【蘋果日報】現年37歲的熊黛林（Lynn）前年嫁予擁百億資產的郭可盈胞弟郭可頌，日前剖腹誕下一對孖女，為老公添了兩位前世情人，在產房陪老婆的郭可頌非常緊張，見到老婆和囡囡平安後才鬆一口氣。
眼大好靚女
Lynn昨日透過經理人公司發佈一家四口全家福，一對新手爸媽各自抱一位小公主拍照，一臉幸福。Lynn表示第一眼見到兩個囡囡既感動又開心：「BB女5磅左右，眼仔好大好靚女，老公開心到不得了。」
由於初生BB太嬌小，新手爸爸郭可頌不敢亂抱，最終要Lynn出手，叫老公坐定定擺起抱B姿勢，然後Lynn媽媽抱起囡囡放在他懷中。Lynn又說：「媽咪都有飛過來香港陪我待產，我已經慢慢開始學湊小朋友同餵人奶，因為對BB好啲嘛，最緊要佢哋健康。」她又表示BB未改名，稍後會和老公細心挑選囡囡名字。
Lynn為郭家添孖女，升呢姑媽的郭可盈昨日接受電話訪問時說：「一次過做孖女姑媽，探咗佢哋啦，好得意，一個似媽咪，一個似爹哋，孖女磅數好平均，第一日就分到大孖細孖。」
會搞百日宴
問可盈送甚麼禮物？她說：「最緊要送番表姐着過嘅衫仔，係傳統，將啲luck同兩個表妹分享。」可盈續謂，孖姪女應該會搞百日宴，但湊孖女會忙一倍，所以她有時間都會幫手。她又大讚弟婦Lynn叻女：「佢成個孕程只係初期有嘔，後來都好OK，BB出嚟又健康。」至於她自己則無意再生，笑指孖女正好是她囡囡最好玩伴。
採訪：陳杰
眼大好靚女
Lynn昨日透過經理人公司發佈一家四口全家福，一對新手爸媽各自抱一位小公主拍照，一臉幸福。Lynn表示第一眼見到兩個囡囡既感動又開心：「BB女5磅左右，眼仔好大好靚女，老公開心到不得了。」
由於初生BB太嬌小，新手爸爸郭可頌不敢亂抱，最終要Lynn出手，叫老公坐定定擺起抱B姿勢，然後Lynn媽媽抱起囡囡放在他懷中。Lynn又說：「媽咪都有飛過來香港陪我待產，我已經慢慢開始學湊小朋友同餵人奶，因為對BB好啲嘛，最緊要佢哋健康。」她又表示BB未改名，稍後會和老公細心挑選囡囡名字。
Lynn為郭家添孖女，升呢姑媽的郭可盈昨日接受電話訪問時說：「一次過做孖女姑媽，探咗佢哋啦，好得意，一個似媽咪，一個似爹哋，孖女磅數好平均，第一日就分到大孖細孖。」
會搞百日宴
問可盈送甚麼禮物？她說：「最緊要送番表姐着過嘅衫仔，係傳統，將啲luck同兩個表妹分享。」可盈續謂，孖姪女應該會搞百日宴，但湊孖女會忙一倍，所以她有時間都會幫手。她又大讚弟婦Lynn叻女：「佢成個孕程只係初期有嘔，後來都好OK，BB出嚟又健康。」至於她自己則無意再生，笑指孖女正好是她囡囡最好玩伴。
採訪：陳杰
回應 (0)
