新聞類別
娛樂
詳情#
【蘋果日報】劉嘉玲、容祖兒、吳千語及樂基兒（Gaile）等昨晚在中環ifc出席化妝品牌活動，嘉玲一到場就主動提到日前在Ig貼行山相，被讚年屆52歲仍活力十足，不過翁靜晶在社交平台則懷疑她報細歲數，她笑言：「其實我唔知根據乜嘢資料話我報細咗，我印象中佢係一個好叻嘅女仔，佢應該有晒資料，佢係律師嚟，唔應該睇錯呢啲嘢，如果我係58歲，我媽15歲應該生唔到我，我係1965年12月8日出生，翁靜晶係唔係應該大我一歲？」
注重健康唔怕老
翁靜晶透露12歲時在劉芳剛家中見到嘉玲已是大人，嘉玲再笑言：「我唔知邊個報錯年紀，不過我識劉芳剛老師時候係17歲，我係80年嚟香港，82年考藝訓班。」對於網友讚她越來越可愛，她表示自己保持一份童真，尤其懷抱大自然的時候。問到會否與翁靜晶對質，她表示不用：「呢啲我冇報細，我媽咪係1944年，上網一撳就知我冇呃人，我依家好健康、好開心，我唔驚老，會更加注重健康，我會變成一個滿頭白髮，好多皺紋嘅老太婆。我同佢唔熟，佢早我少少拍戲，我讀藝訓班佢已經好紅，拍緊《荳芽夢》，我唔會嬲，我啲記性麻麻哋，不過生日就記得，可能我keep得比佢想像中後生，覺得自己賺咗6、7年。」
讚黎明生B神奇
此外，樂基兒就透露有向前夫黎明與女友Wing發訊息祝賀生B，對於黎明嬲爆生B消息外洩，她表示不知情：「BB係一件好開心同神奇事，係天上賜一件禮物，希望唔好有啲新聞負面，畀啲正能量佢。」另外，容祖兒講到前男友劉浩龍今晚開騷，祖兒表示會去睇：「我去唔去睇唔係最重要，唔係故弄玄虛，最重要係佢有十足狀態演出，佢準備咗好耐。」
採訪：盧妹
攝影：沈健程
注重健康唔怕老
翁靜晶透露12歲時在劉芳剛家中見到嘉玲已是大人，嘉玲再笑言：「我唔知邊個報錯年紀，不過我識劉芳剛老師時候係17歲，我係80年嚟香港，82年考藝訓班。」對於網友讚她越來越可愛，她表示自己保持一份童真，尤其懷抱大自然的時候。問到會否與翁靜晶對質，她表示不用：「呢啲我冇報細，我媽咪係1944年，上網一撳就知我冇呃人，我依家好健康、好開心，我唔驚老，會更加注重健康，我會變成一個滿頭白髮，好多皺紋嘅老太婆。我同佢唔熟，佢早我少少拍戲，我讀藝訓班佢已經好紅，拍緊《荳芽夢》，我唔會嬲，我啲記性麻麻哋，不過生日就記得，可能我keep得比佢想像中後生，覺得自己賺咗6、7年。」
讚黎明生B神奇
此外，樂基兒就透露有向前夫黎明與女友Wing發訊息祝賀生B，對於黎明嬲爆生B消息外洩，她表示不知情：「BB係一件好開心同神奇事，係天上賜一件禮物，希望唔好有啲新聞負面，畀啲正能量佢。」另外，容祖兒講到前男友劉浩龍今晚開騷，祖兒表示會去睇：「我去唔去睇唔係最重要，唔係故弄玄虛，最重要係佢有十足狀態演出，佢準備咗好耐。」
採訪：盧妹
攝影：沈健程
回應 (0)
