五月天港騷加位益歌迷

【蘋果日報】台灣天團五月天演唱會一票難求，惟本月22日主辦單位特高在官方fb貼文，表示會加開少量座位，但有五迷發現下月11日一場忽然有門票發售，為此感到不滿。特高回應《蘋果》表示：「其實5月11日嘅門票係我哋喺贊助商回購番嚟，因為我哋知道有好多歌迷都買唔到，我哋一直都用唔同嘅方法，希望可以滿足多啲歌迷，於是逐間贊助商打去問，有冇門票未消化可以賣番畀我哋。」
發言人續謂：「嗰啲門票係贊助商畀晒錢，我哋趁住其他幾場演唱會加位一次過推出嚟，數量亦真係唔多，其實出發點真係好簡單，就係滿足歌迷，否則我哋留畀內部認購都一定可以消化晒所有門票。」至於有五迷指在fb投訴的留言被刪除，發言人表示更加無可能：「之前系統被入侵，我哋唔會delete留言，公開嘅社交平台點會咁做呢？」
撰文：小米