陳宇琛開戲唔預石修

【蘋果日報】陳宇琛（石仔）、魏焌皓與內地女星王俐丹在港開拍電影《同根生》，昨日於觀塘公眾碼頭舉行拜神儀式，石仔兼任行政監製及演員。甩拖張建聲有份主演，不過他突然鬧情緒，不肯受訪及拍照，只躲在車廂上。石仔未來會向監製、導演、演員三方面發展，暫未有機會和石修父子檔上陣，他笑稱：「爸爸有問我點解唔搵佢拍戲，我唔預佢玩，暫時未有角色啱佢。」石仔去年結婚成為人夫，計劃2019年生小朋友，今年努力搵奶粉錢。
另外，魏焌皓這次是離開無綫第一擊，他說：「入行都一段時間，喺無綫超過十年，想有唔同嘗試，主力跳出嚟拍電影，現時係自由身。」無綫發展空間和機會局限？他說：「唔可以咁講，想多啲唔同嘗試箒。」
採訪：卓寶花
攝影：陳慧安