新聞類別
娛樂
詳情#
【蘋果日報】因為導演張家輝，林雪和張繼聰有機會拍電影《低壓槽》，日前《蘋果》約兩人講戲講導演，安排家輝失驚無神現身踩場測試反應，林雪連面上條毛都交足戲，不愧為去年亞洲電影大獎男配角得主。
話說林雪談首次拍家輝戲的感受：「我諗住佢去到現場，有好多乜嘢執行導演、副導演，冇喎，一個人做晒，又幫我行位，我有少少俾人寵愛嘅感覺，覺得我冇跟錯大佬。」繼《陀地驅魔人》再跟家輝合作的阿聰說：「講真我都係睇家輝嘅戲長大，同你哋合作，其實好夢幻，佢完全冇玩我，仲塞錢入我袋。」
笑家輝渣渣輝
兩人越講越起勁，連家輝「我四渣渣輝」普通話水皮事件都拿來傾，林雪笑家輝普通話比自己好：「起碼咁多人討論，我嗰啲冇人討論。」阿聰更自爆瘀事：「我都有份，我『渣繼聰』，佢可以話推動咗我哋學普通話決心。」
此時家輝就忽然出現踩場，問：「喂，你哋又講緊我啲乜嘢呀？」阿聰反應好快：「冇呀，講緊茶道之嘛。」家輝坐下後用手玩林雪面上條毛，林雪醒目說：「呢條毛好奇怪，佢見到導演就蹺起，導演千祈唔好摸佢，你一摸佢就鬆毛鬆翼。」記者問家輝再開戲會否找兩人演出？家輝說：「唔使講啦，佢哋唔嫌棄我嘅話。」林雪聞言大叫：「嘩，導演，好愛你呀！」全場大笑。
採訪：余燕儀
攝影：陳俊強
話說林雪談首次拍家輝戲的感受：「我諗住佢去到現場，有好多乜嘢執行導演、副導演，冇喎，一個人做晒，又幫我行位，我有少少俾人寵愛嘅感覺，覺得我冇跟錯大佬。」繼《陀地驅魔人》再跟家輝合作的阿聰說：「講真我都係睇家輝嘅戲長大，同你哋合作，其實好夢幻，佢完全冇玩我，仲塞錢入我袋。」
笑家輝渣渣輝
兩人越講越起勁，連家輝「我四渣渣輝」普通話水皮事件都拿來傾，林雪笑家輝普通話比自己好：「起碼咁多人討論，我嗰啲冇人討論。」阿聰更自爆瘀事：「我都有份，我『渣繼聰』，佢可以話推動咗我哋學普通話決心。」
此時家輝就忽然出現踩場，問：「喂，你哋又講緊我啲乜嘢呀？」阿聰反應好快：「冇呀，講緊茶道之嘛。」家輝坐下後用手玩林雪面上條毛，林雪醒目說：「呢條毛好奇怪，佢見到導演就蹺起，導演千祈唔好摸佢，你一摸佢就鬆毛鬆翼。」記者問家輝再開戲會否找兩人演出？家輝說：「唔使講啦，佢哋唔嫌棄我嘅話。」林雪聞言大叫：「嘩，導演，好愛你呀！」全場大笑。
採訪：余燕儀
攝影：陳俊強
回應 (0)
